بسكويت بالسمسم من الواثقه بالله

بسكويت بالسمسم المحشي ملبن وحلاوه اسبريد من الواثقه بالله


وبسكوت السمسم حبيباتي بيكون بسكوت مقرمش
وهش بنفس الوقت ولذييييذ اوووي ومغذي وغني بالكالسيوم
عشان فيه كمية سمسم محترمة

وبسم الله حبيباااتي نبدأ
مقادير بسكوت السمسم
نص كوب سمسم محمص وبعدها نطحنه بالكبة
كوب ونص دقيق منخووول مع نص معلقة صغيرة بكينج بودر
ربع كوب سمنة - ربع كوب زيت
بيضة كبيرة
نص كوب سكر مطحون + معلقة كبيرة ممسوحة سكر مطحون تكملة المقداار
فانيلا - ربع معلقة صغيرة ملح

لدهن بسكوت اصابع السمسم
بيضة مخفوقة
وسمسم مش محمس لرشه على البسكوت

للحشو
ربع كيلو ملبن او لو حابينه بدون حشو

الحلاوة سبريد البيتي بالشوكولاتة
نص كوب طحينة
ربع كوب كاكاو + معلقتين كبيرة كاكاو ممسوحين
ربع كوب عسل ابيض نحل + معلقتين كبااار عسل ابيض برده
ربع كوب حليب سااايل
معلقتين كبااار بندق مطحون بودرة او سوداني مطحون بودرة

بسم الله نعمل الحلاوة السبريد بالشوكولاتة ونسيبها تبرد بالتلاجة
في الخلاط بتاع العصير
نحط الكاكاو والطحينة والعسل والحليب



وبعدها نصبها في طبق ونحط عليها معلقتين كباار بندق مطحونين ونقلب زي الصورة
ونحطها بالثلاجة تبرد



وكل ماتبرد الحلاوة السبريد بالشوكولاتة بتبقى راائعة اووي ومتماسكة وجمييلة ان شاء الله

بسم الله بسكوت السمسم
الطريقة السهلة اوووي



في طاسة بدون اي حاجة نحط النص كوب سمسم



ونحط الطاسة على نار عالية ونقلب بمعلقة خشب زي الصورة
لمدة دقيقتين بس عشان يبقى لون السمسم دهبي فاااتح مش غامق زي الصورة وهو سخن نحطه في الكبـّة او الفود بروسيسرور
نطحنه ناااعم بودرة ونسيبه على جنب



في بولة نحط السمنة والزيت والسكر البودرة
ونخفق 3 دقايق بالمضرب الكهربائي لغاية ماينفشوا



وبعدين نحط البيضة ونخفق 30 ثانية عشان تندمج بسس



والسمسم المطحون البودرة المحمص نحطه ونخفق 7 ثواني كده عشان يندمج برده مع السمنة والبيض





وآخر شيء بفضل الله الدقيق المنخول مع نص معلقة صغيرة بكينج بودر
ونعجن بايدينا كويس لمدة 3 دقايق عشان الدقيق يتشرب كل السوايل دي



وده شكل عجينة بسكوت السمسم طرية وريحتها جمييلة اوووي من السمسم اللي جواااها



دلوقتي نجيب كيس شفاف من اكياس الساندوتشات
ونقصه بالمقص نصين عشان يبقى ورقتين بلاستيك زي الصورة



ونجيب قطعة من العجينة ونحطها بين الورقتين البلاستيك زي الصورة
يعني من تحتها ورقة كيس بلاستيك ومن فوقها ورقة تانية من الكيس المقسوم اللي قصيناها ونفرد بالنشابة دلوقتي فوووق الكيس
لسمك متوسط مش رقيق اوووي ولا تخين اوووي حبيباتي



ونشيل البلاستيك من فوووق البسكوت المفرود زي كده



وناخد معلقتين كبااار ملبن ونبرمهم ونلفها لاسطوانة زي الصورة
ونحطها على طرف مستطيل البسكوت المفرود





وبالكيس البلاستيك اللي تحت البسكوت
نلف ونزق عجينة البسكوت على الملبن 3 لفااات
دي اول لفة على الملبن
يعني كأننا بنلف سويسرول بالضبططط حبيباااتي






وتاني لفة من عجينة البسكوت على الملبن





وثااالث لفة على الملبن يعني لفينا كده 3 مرات عشان يبقى سمك البسكوتة كويس ان شاء الله ونزق بقى رول بسكوت السمسم باصابعنا زي الصور عشان لو الرول الملفوف داااخل فيه هواااا نطلعه
عشان يبقى العجينة لازقة في الملبن بفضل الله
ومتماسكة ورول متماسك مش داخل فيه اي هواا
ولا فراااغات ان شاء الله




ونقطع بالسكينة اطراف رول بسكوت السمسم زي الصور



ونقطع الزيااادة عن الرول زي الصورة




وآخر شيء نقطع صوابع بسكوت السمسم زي كده ونحطهم بصينية مدهونة زيت ونكمل بنفس الطريقة بقية مقدار البسكوت لو حااابين اننا نعمله بسكوت سمسم محشي بالملبن




ولو حابين نعمل بسكوت السمسم عادي دواير بدون اي حشو بيبقى طعمه تحححفة في الفطار جداا ومفيد اوووي
برده نفرد قطعة من العجينة بين ورقتين بلاستيك بالنشابة زي الطريقة اللي فوووق ونشيل البلاستيك من فوقها وبعدين باي قطاعة مشرشرة او كوباية نقطع دواير بسكوت زي الصورة



وبايدينا من تحت الكيس البلاستيك نرفع البسكوتة زي كده
وبايدينا اليمين نشيلها ونحطها بالصينية المدهونة برده وهكذااا حبيباتي
مش بياخد كل المقدار الا نص ساعة بس نشكله ولو حابين نعمله كله محشي ينفع ولو حابين نعمله بسكوت سمسم سااادة برده يبقى رائع
او لو حابين نعمله نصين شوية دواير عادية وشوية محشيين بالملبن




ودي كل كمية البسكوت دلوقتي ندهنه بالفرشاة بالبيضة المخفوقة
ونرش على وجه الرولات بالملبن سمسم
والبسكوت الدواير العادي نخرمه بالشوكة بسسس
وندخل البسكوت فرن حرارة هادية 160 الى 170
من تحت بسس على الرف الاوسط
لمدة 20 دقيقة ولما نلاقي ان لون البسكوتة من تحت بقى دهبي
نطفي من تحت ونشغل الشواية ونراقب البسكوت عشان ياخد لون دهبي جمييل اوووي ان شاء الله
ونطلعه بيكون طري وهو سخن ولما يبرد بيقرمش وبيبقى هش وراائع
وبسم الله نبدأ صورالتقديم




ودي شكل بسكوت السمسم العادي بدون اي حشوة



ودي كل الكمية بفضل الله
بسكوت السمسم المحشي بالملبن وبسكوت السمسم االعادي








من تحت مخرفش ومقرمش وجمييل اووي

مقرمش وهش اووي بفضل الله





والسمسم اللي على وش البسكوتات تحمص وبقى جميييل

اقرء المزيد

جاتو بالفستدق

جاتو بالفستدق


المقادير

250 غرام زبدة غير مالحة

كوب ونصف سكر

ملعقة صغيرة فانيلا

2 بيض كبار بحرارة الغرفة

1 كوب زبدة الفستق

3 كوب طحين بالاضافة للقليل لوضعها على الصينية

ملعقة صغيرة بيكنج باودر

ملعقة صغيرة ملح

كوب ونصف مربى الفريز او التوت او أي نوع نحبه

تلتين الكوب فستق مقطع


الطريقة

1 - نحمي الفرن لدرجة 350 فهرنهايت وندهن الصينية زبدة ثم نرشها بقليل من الطحين لكي لا يلصق العجين

2 - في وعاء نخفق الزبدة والسكر بخفاقة كهربائية على درجة معتدلة لمدة 2 دقيقة ثم نخفف السرعة ونزيد الفانيلا والبيض وزبدة الفستق ونخلطهم ليختلطوا جيدا وفي وعاء آخر ننخل الطحين والبيكنج والملح ثم نضيفهم شيئا فشيئا للمزيج الأول بالخفاقة على درجة بطيئة حتى يختلطوا

3 - نضع ثلتا العجينة في الصينية باستخدام سكينة لنوزعها بتساوي ثم ندهن المربى ثم نضع بقية العجينة عن طريق تقطيع قطع من العجين باليد فوق السطح لا تشغلي بالك اذا لم يغطى كل طبقة المربى لأن العجين سيتمدد بالفرن اكثر ونرشها بالفستق

4 - ونخبزها لمدة 45 دقيقة ونقطعها لمربعات بعد أن تبرد ونقدمها وبألف هنا وشفا منقول

اقرء المزيد

المنين او القراقيش بالزبده المحشيه عجوه وملبن من الشيف موني

المنين او القراقيش بالزبده المحشيه عجوه وملبن من الشيف موني

كيلو وربع دقيق
4 كوب زبدة
2 وربع كوب حليب
2 ملعقة كبيرة شمر وشبت ويانسون مطحون
2 ملعقة كبيرة بيكنج بودر
نصف كوب سكر
بيضة وفانيليا لدهان الوجه
سمسم للوجه
الحشو:
عجوة وملبن
الطريقة:
اول حاجة دى صورة الشمر والشبت واليانسون مطحونين

هننخل الدقيق ونقدح السمنة وننزل بيها على الدقيق

ونقلبهم مع بعض كويس يعنى نبس العجينة عشان الدقيق يشرب كل كمية الزبدة

ونسيبها تبرد خالص ونضيفلهم السكر والبيكنج بودر والشبت والشمر والينسون المطحونين

ونقلبهم كويس

ونضيفلهم الحليب

ونعجنهم كويس جدا لغاية ماالعجينة تبقى كتلة واحدة

ونسيب العجينة ترتاح لمدة نص ساعة ونبدأ نشكلها
هنجيب جزء من العجينة نفرده على شكل مستطيل ونبرم بايدينا قطعة عجوة ونحطها فى النص

ونفس الطريقة مع الملبن

ونلف المستطيل ده على شكل رول

ونقطعه

فيه طريقة تانية
اننا ناخد قطعة كبيرة من العجينة ونفردها بالنشابة ونحط عليها قطعة كبيرة من العجوة او الملبن نفس حجمها او اقل حاجة بسيطة

ونحط عليها قطعة تانى من العجينة نفس حجمها

ونقطعها بالقطاعة اللى عايزنها هتدينا شكل جميل

ونرصها فى الصوانى وندهن وشها بالبيض والفانيليا ونرش عليها السمسم
وده شكلها بعد ماطلعت من الفرن

اقرء المزيد