كوكيز الشيكولاته ..اشيك واطهم واخف كوكيز هاتدوقيها
نص كوب زبدة
تلت كوب كاكاو خام او ممكن نص حسب زوقك انا بحط تلت بس
ملعقتين صغيرين قهوة سريعة الذوبان او تركى او اسبرسو
كوب سكر عادى+ نص كوب سكر بنى
نص كوب باتر ميلك buttermilk او زبادى
نص ملعقة صغيرة فانيليا او باكيت
بيضة بدرجة حرارة الغرفة
كوبين دقيق انا حطيت كوب و نص ابيض و نص دقيق اسمر
نص ملعقة صغيرة بيكنج صودا او بيكربوناتو
رشة ملح
الطريقة السهلة ان شاء الله
هنسخن الفرن لاول على 170 و نسيح الزبدة تبقى دافية بس و نشيلها من على النار و نخلطها بالكاكاو و نقلب كويس لحد ما يمتزجوا كويس و تبقى شبه الشيكولاتة السايحة تقريبا
و نبتدى نضيف السكرو نقلب و بعدين الباتر ميلك او الزبادى
دا و انا ضايفة السكر و بعد الباتر ميلك نقلب هيبقى سايل شوية و هنزود البيضة و الفانيليا و نضربهم كويس
و بعد ما يمتزج البيض مع الخليط ننخل الدقيق مع الملح و البيكنج صودا و نزودهم تدريجى على الخليط و نقلب لحد ما يمتزجوا كده و اول ما يمتزجوا نبطل تقليب انا عامة بقلب بملعقة خشب او سباتولا حبيبتى
و على صاج او صينية نفرش ورق زبدة او حتى فويل مدهون زيت خفيف و نشكل العجينة دواير او اقراص و نضغط عليها خفيف عشان تبقى فلات او مسطحة كده
و ندخلهم الفرن لمدة 10 دقايق بالظبط و لو انتى فرنك هادى اوى ممكن ياخدوا 12 دقيقة و نطلعهم يهدوا الاول عشر دقايق قبل ما نشيلهم من ورق الزبدة
و هنا لما هديوا شوية شيلتهم و يلا بقى على الصور للكوكيز الجميلة طبعااااااااااااا مش قادرة اقولكم على الريحة عاملة ازاى تحفة جداااااااااااااا و ملت الشقة ما شاء الله و اهو ما اخدش اكتر من 20 دقيقة دا بالكتير اصلا
و دول بقى كنت عاملاهم قبل كده بس زودت دقيق شوفان بدل الدقيق الابيض يعنى بدلت حوالى نص كوباية كده
منقول من فتكات
0 التعليقات:
إرسال تعليق