تشيكن بارميزان باستا
النهاردة جايبالكم طبق بيتقدم فى المطاعم
الحقيقة جوزى بيحبه جدا جدا
و بيتقدم فى المطاعم بسعر غالى بالنسبة لمكوناته
يعنى مثلا هنا فى السعودية بيكون سعره من 50 ريال و اكتر
مع انه سهل جدا و مش مكلف كده خالص فى الحقيقة
و زى ما قلت لكم بما ان جوزى بيحبه اوى فا انا قررت أعملهوله
و قد كان
و على فكرة طعمه مظبوط بالظبط الحمدلله زى المطاعم
و دى النتيجة النهائية عشان أشجعكم
يلا نبدا الطريقة
اولا هنجيب صدور فراخ
و نسيبها تخينة زى ما هيّه
يعنى لا نقطعها من النص ولا ندقها او نرققها بالشاكوش
و نتبلها بالأتى
بابريكا
هيل مطحون
زنجبيل
رشة قرفة
رشة من بهارات الشواء ( اختيارى )
نقطتين خل
ملح و فلفل اسود و فلفل أبيض
بهار فراخ ( يفضل الفاتح اللى مايكونش مخلوط معاه كارى او كركم يعنى لونه مايكونش مصفر )
معلقة صغير زبادى ( لو تحبى )
و نخلطهم كويس و سيبيهم على جنب شوية
( ممكن تعمليها من بالليل و تسيبيها فى التلاجة )
بصوا دايما اما بنيجى ناكلها فى المطاعم بيسألك بيقولك صوص أبيض و لا ريد صوص و وايت صوص ؟؟
فا انا هنا هاعملها بطريقة تقديم الصوصين مع بعض
( للى مايعرفش ازاى بتتقدم بالصوصين مع بعض فا احنا مش بنخلطهم مع بعض هاتشوفوا اقصد ايه فى الصور اللى جاية )
نبتدى نعمل الصلصة الحمراء
الصلصة دى ممكن نستغنى عنها خالص و نعملها بس بالصوص الأبيض زى ما انا قلتلكوا فوق
مكوناتها بسيطة جدا
كوباية عصير طماطم
بصلة مقطعة صغير
اقل من ربع معلقة توم مفروم ( اختيارى )
ملح و فلفل
رشة ريحان و شوية زعتر
هنحط شوية زيت على النار و نحط البصل نشوحه
و لما تدبل نحط عصير الطماطم
و نسيب الطماطم تتسبك على النار و تقل ميتها شوية
لو لقيتي الصلصة فاتحة ضيفى عليها معلقة صلصة (معجون الطماطم يعنى )
هنا كانت اتسبكت و خلصت و ضيفت عليها معلقة صلصة عشان لونها يكون أغمق
و بعدين ضيفت الملح و الفلفل و الزعتر و رشة الريحان
و هنا طفيت النار و كانت الصلصة جاهزة
نروح بقى للفراخ
هنجيب بيضة و نخلطها بشوية زيت زيتون و ملح و فلفل
و طبق تانى فيه دقيق و طبق كمان فيه بقسماط
كأننا بنعمل بانيه عادى
و نحط الصدور فى الدقيق
و بعدين فى البيض
و بعدين فى البقسماط
هنا كنت خلصت الكمية كلها
حاجة مهمة جدا
ماتحمريهاش دلوقتى لاء حطيها فى الفريزر شوية عشان البقسماط مايفوكش لما تحطيه فى الزيت
و بعدين سخنى الزيت و حطى الصدور
هنا كانت واحدة اتحمرت و خلصت
نروح نسلق المكرونة بقى
( خدوا بالكم المكرونة فى الأكلة دى مش بتتغسل بعد السلق و لازم اول ما تخلص و تتسلق تنزل فى الصوص الأبيض على طول من غير شطفها بالماية يعنى لازم يكون وقت عمايل الصوص الأبيض مع سلق المكرونة )
نبتدى نعمل الصوص الأبيض
الصوص الأبيض د ليه طرق كتير
ممكن يتعمل بالكريمة بس
و ممكن يتعمل بالدقيق مع الحليب و الكريمة
و ممكن يتعمل بالكريمة و الحليب و تستبدلى الدقيق بالنشا
انا هنا عملته بالدقيق و الحليب و الكريمة
بنفس طريقة عمل البشاميل
هنجيب الزبدة و نسيحها على النار و نحط معلقة دقيق مليانة
و نقلب الدقيق لحد ما يحمر
و نضيف كوباية حليب
( احنا عايزين الصوص أخف من صوص البشاميل )
و نقلب
لحد ما الصوص يتقل كده
نضيف الكريمة حسب الرغبة ( انا ضيفت نص كوباية كريمة تقريبا )
و نقلب و نضيف شوية جبنة موتزريلا و ملح و فلفل و نقلبهم و كده الصوص جاهز
( اذا حسيتى الصوص تقيل ضيفى كريمة زيادة او حليب و قلبى تانى )
المكرونة كانت اتسلقت و خلصت صفيتها و رجعتها تانى الحلة
نبدأ نضيف الصوص الأبيض
و نقلبهم
نبدأ نجهز الطبق بقى
نحط شوية من المكرونة فى طبق
( همه بيقدموها دايما فى طبق غويط شوية و كبير انا مش عندى الطبق ده فا قدمته فى الطبق العادى ده )
و بعدين نحط معلقة من الصوص الأحمر كده
و بعدين نحط رشة موتزريلا مبشورة رفيع اوى
و كمان رشة من البارميزان المبشور
هنروح للفراخ بعد ما تبرد شوية عشان هانقطعها شرايح كده
و ناخدها بطرف السكينة و ننقلها فوق الجبنة اللى حطيناها على المكرونة
و نرش عليها تانى رشة صغيرة اوى اوى موتزريلا مبشورة رفيع اوى
و نضيف بارميزان حبه حلوين كده مبشور ناعم اوى اوى
و رشة ريحان فوق
صور التقديم
منقول من فتكات
النهاردة جايبالكم طبق بيتقدم فى المطاعم
الحقيقة جوزى بيحبه جدا جدا
و بيتقدم فى المطاعم بسعر غالى بالنسبة لمكوناته
يعنى مثلا هنا فى السعودية بيكون سعره من 50 ريال و اكتر
مع انه سهل جدا و مش مكلف كده خالص فى الحقيقة
و زى ما قلت لكم بما ان جوزى بيحبه اوى فا انا قررت أعملهوله
و قد كان
و على فكرة طعمه مظبوط بالظبط الحمدلله زى المطاعم
و دى النتيجة النهائية عشان أشجعكم
يلا نبدا الطريقة
اولا هنجيب صدور فراخ
و نسيبها تخينة زى ما هيّه
يعنى لا نقطعها من النص ولا ندقها او نرققها بالشاكوش
و نتبلها بالأتى
بابريكا
هيل مطحون
زنجبيل
رشة قرفة
رشة من بهارات الشواء ( اختيارى )
نقطتين خل
ملح و فلفل اسود و فلفل أبيض
بهار فراخ ( يفضل الفاتح اللى مايكونش مخلوط معاه كارى او كركم يعنى لونه مايكونش مصفر )
معلقة صغير زبادى ( لو تحبى )
و نخلطهم كويس و سيبيهم على جنب شوية
( ممكن تعمليها من بالليل و تسيبيها فى التلاجة )
بصوا دايما اما بنيجى ناكلها فى المطاعم بيسألك بيقولك صوص أبيض و لا ريد صوص و وايت صوص ؟؟
فا انا هنا هاعملها بطريقة تقديم الصوصين مع بعض
( للى مايعرفش ازاى بتتقدم بالصوصين مع بعض فا احنا مش بنخلطهم مع بعض هاتشوفوا اقصد ايه فى الصور اللى جاية )
نبتدى نعمل الصلصة الحمراء
الصلصة دى ممكن نستغنى عنها خالص و نعملها بس بالصوص الأبيض زى ما انا قلتلكوا فوق
مكوناتها بسيطة جدا
كوباية عصير طماطم
بصلة مقطعة صغير
اقل من ربع معلقة توم مفروم ( اختيارى )
ملح و فلفل
رشة ريحان و شوية زعتر
هنحط شوية زيت على النار و نحط البصل نشوحه
و لما تدبل نحط عصير الطماطم
و نسيب الطماطم تتسبك على النار و تقل ميتها شوية
لو لقيتي الصلصة فاتحة ضيفى عليها معلقة صلصة (معجون الطماطم يعنى )
هنا كانت اتسبكت و خلصت و ضيفت عليها معلقة صلصة عشان لونها يكون أغمق
و بعدين ضيفت الملح و الفلفل و الزعتر و رشة الريحان
و هنا طفيت النار و كانت الصلصة جاهزة
نروح بقى للفراخ
هنجيب بيضة و نخلطها بشوية زيت زيتون و ملح و فلفل
و طبق تانى فيه دقيق و طبق كمان فيه بقسماط
كأننا بنعمل بانيه عادى
و نحط الصدور فى الدقيق
و بعدين فى البيض
و بعدين فى البقسماط
هنا كنت خلصت الكمية كلها
حاجة مهمة جدا
ماتحمريهاش دلوقتى لاء حطيها فى الفريزر شوية عشان البقسماط مايفوكش لما تحطيه فى الزيت
و بعدين سخنى الزيت و حطى الصدور
هنا كانت واحدة اتحمرت و خلصت
نروح نسلق المكرونة بقى
( خدوا بالكم المكرونة فى الأكلة دى مش بتتغسل بعد السلق و لازم اول ما تخلص و تتسلق تنزل فى الصوص الأبيض على طول من غير شطفها بالماية يعنى لازم يكون وقت عمايل الصوص الأبيض مع سلق المكرونة )
نبتدى نعمل الصوص الأبيض
الصوص الأبيض د ليه طرق كتير
ممكن يتعمل بالكريمة بس
و ممكن يتعمل بالدقيق مع الحليب و الكريمة
و ممكن يتعمل بالكريمة و الحليب و تستبدلى الدقيق بالنشا
انا هنا عملته بالدقيق و الحليب و الكريمة
بنفس طريقة عمل البشاميل
هنجيب الزبدة و نسيحها على النار و نحط معلقة دقيق مليانة
و نقلب الدقيق لحد ما يحمر
و نضيف كوباية حليب
( احنا عايزين الصوص أخف من صوص البشاميل )
و نقلب
لحد ما الصوص يتقل كده
نضيف الكريمة حسب الرغبة ( انا ضيفت نص كوباية كريمة تقريبا )
و نقلب و نضيف شوية جبنة موتزريلا و ملح و فلفل و نقلبهم و كده الصوص جاهز
( اذا حسيتى الصوص تقيل ضيفى كريمة زيادة او حليب و قلبى تانى )
المكرونة كانت اتسلقت و خلصت صفيتها و رجعتها تانى الحلة
نبدأ نضيف الصوص الأبيض
و نقلبهم
نبدأ نجهز الطبق بقى
نحط شوية من المكرونة فى طبق
( همه بيقدموها دايما فى طبق غويط شوية و كبير انا مش عندى الطبق ده فا قدمته فى الطبق العادى ده )
و بعدين نحط معلقة من الصوص الأحمر كده
و بعدين نحط رشة موتزريلا مبشورة رفيع اوى
و كمان رشة من البارميزان المبشور
هنروح للفراخ بعد ما تبرد شوية عشان هانقطعها شرايح كده
و ناخدها بطرف السكينة و ننقلها فوق الجبنة اللى حطيناها على المكرونة
و نرش عليها تانى رشة صغيرة اوى اوى موتزريلا مبشورة رفيع اوى
و نضيف بارميزان حبه حلوين كده مبشور ناعم اوى اوى
و رشة ريحان فوق
صور التقديم
منقول من فتكات
0 التعليقات:
إرسال تعليق