كرات الكنافه بالشيكولاته ..اول مره تسمعي عنها ..ادخلي وشوفيها
المكونات
كنافة ,يفضل تكون فى الفريزر عشان نعرف نقطعها كويسزبدة
لبن مكثف محلى
جبنة كوبايات "اللى هى بتاعة بريزدون " وممكن تسبتدلى بجبنة كيرى او لبنة برده هتبقى حلوة باذن الله
شيكولاتة ومكسرات بس دول نسيت اصورهم
هنسيح الزبدة ونحطها على الكنافة اللى قطعنها صغير
هندمج اللبن المكثف المحلى مع الجبنة ونقلبهم مع بعض
ملحوظة لو مافيش حليب مكثف محلى ممكن كريمة لبانى ,او قشدة او ممكن تستغنى عنهم , وزودى كمية الزبدة شوية عشان يبقى عندك عجينة تعرفى تكوريها
وبعدين نحط المطونات دى على الكنافة ,لحد ماتبقى شبهه العجينة اللينة
هنكور العجينة اللى عندنا ,ونحطها فى صنية الكب كيك ونخبزها على فرن متوسط الحرارة
وده شكلها لما خلصت ,ومش هنحط عليها شربات عشان ماتبقاش مسكرة بزياده
على حمام مياه دافى نسيح شيكولاتة مع شوية صغيرة لبن
وبعد ماتسيح نحط مكسرات
كده تكون الكنافة هديت ناخدها ونغمسها فى الشيكولاتة ونسيها فى التلاجة شوية عشان الشيكولاتة تجمد
وبعد كده زوقتها ,قطعت شرحات تفاح و بالكريم شانتيه كلمت التقديم بتاعها
0 التعليقات:
إرسال تعليق