المشبك الدمياطي ..في بيتك احلي
ركزو معايا نبدا بلمقادير
كوبايتين دقيق
معلقتين نشا
زرة ملح
نص معلقة خميرة
الطريقة بقا
نحط الدقيق على النشا
وندوب الخميرة فى نص كوباية ماية دافية
ونعجن عادى ونزود ماية بحيث تكون العجينه فى سمك الطحينه تقريبا ونقلبها كويس انا قلبتها بمضرب عشان ميكونش فى اى كلاكيع دقيق
بعد كدا هنسيبها نص ساعه لحد ما تخمر وحجمها يتضاعف
وهنسخن زيت وخلى بالك نسخنو مش نقدحو عشان لو سخن اوى هيتحرق ونوطى النار لو حابة يكون مقرمش وطى خالص لو حابة يكون طرى نص نص بس ف كل الحالات متكونش النار عالية ونحط العجية فى كيس نخرمو خرم صغير ونبدا نوزعو فى المقلاية بلشكل دة
ونستنى لحد ما نلاقيه اتحمر على مهلو خالص ها نقلبو على الناحية التانية بس براحة عشان ما يتكسرش مننا
ونكرر العملية دى فى الكمية كلها وطبعا بلمقاسات الى حباها
واول ما يتحمر هنطلعو على ورقة كدا عشان تشرب الزيت
وبعد كدا نكون مجهزين شربات ودى طريقتو
كوباية سكر
كوباية ونص ماية
نقطتين لمون
كيس فانيليا
ونحط المشبك فى الشربات كويس لحد ما يتشرب حلو ولو حابة يكون مقرمش ما تسبيهوش كتير
ودى شكلو الاخير
0 التعليقات:
إرسال تعليق