كيك الخووووخ
على فكره الكيك دى ممكن تكون بالتفاح او الاناناس او المشمش
او البرتقال او الموز اى نوع فاكهه انتى بتحبيه
وتعالو نشوف المقادير والطريقه
اولا الكيك دى لازم نعمل لها كراميل الاول وهو عباره عن
كوب سكر ونحطه على النار لغايه ما يبقى كراميل ذهبى
وبعدين نصبه فى الصنيه او القالب الى هنستعمله ويكون مدهون بالزبده
ودا لون الكراميل
وبعد ما نصبه فى الصنيه
نقطع الخوخ ترنشات سواء عادى او علب كمبوت
ونرصه فوق الكراميل هكذا
وبعدين نعمل الكيك وهو عباره عن
نص كوب سمن او زيت
اكوب سكر + 4 بيض + فانليا + نص كوب عصير برتقال
او لو علب كمبوت ممكن تاخدى العصير بتاعها
2 كوب دقيق + ا ملعقه بيكنج بودر
وبطريقه الكيك العاديه نضرب السمن والسكر معا ثم نضيف البيض
واحده واحده و الفانليا ونضرب ثم نضيف العصير مع الضرب هكذا
ثم نضيف الدقيق والبيكنج بودر وتقلب وتصب فى الصنيه فوق الخوخ
وتدخل الفرن درجه حراره 180 الرف الاوسط
وطبعا نقلبها فى طبق التقديم وهى سخنه
قبل ما تبرد علشان تكون اسهل وبتكون بالشكل دا
تحفه فى الشكل والطعم جربوها وادعولى
ودى بعد التقطيع
وبالهنــــــــــــــــا والشـــــــــــــــفا
0 التعليقات:
إرسال تعليق