مقادير جناش الشوكلاتة الي حنستخدمة للحشو وللتزين هو 2 كوباية شوكلاتة خام متقطعة و1 كوباية كريما لباني
طريقة الجناش
لازم نعرف يا جماعة اني صوص الجناش مكون فقط من الكريما والشوكلاتة الخام فقط . وهي دي الطريقة الي بتدينا جناش لماع لتغطية التورت والجاتوهات بالاضافة إلى سهولة التحم فية حتى لو كان سائل وده الي حنشوفة لما نوصل لمرحلة التزين .
الطريقة البسيطة للجناش هي نقطع الشوكلاتة الخام أم نبشرها ونسخن الكريما الباني لحد مرحلة الغليان و نصبها على الشوكلاتة
نقلب بإستخدم شريط الخفق لحد ما الشوكلاتة تذوب أسيبكم مع الخطوات بتاعة المرحلة دي
قوامها سائل ومائي
وفي نفس الوقت لو عمنا بصباعنا خط في النص حيفضل مش حيختفي دليلو انو متماسك والمقادير والطريقة صحيحة بإذن الله
ندخل صوص الجناش الثلاجة وبعد حوالي ساعتين حيبقى شكلها كدة . بصو على الجمال صوص كثيف وسائل وفي نفس الوقت متماسك
بصو لماع ازاي وسائل لكن سهل التحكم فية جداً
ولما نسيب الجناش فترة أطول في الثلاجة حيتماسك وحيبقى كريمة شوكلاتة كثيفة جداً
والمرحلة دي الي بيعملو بيها الترافلز الي بتبقى كور شوكلاتة طرية وبيغطوها بالكاكاو البودرة والسكر البودرة. بصي طرية وجميلة أزاي
أنا شلت معلقتين وعملتهم ترافلز ويزينتهم بالسكر الباودر والكاكاو .
طيب قبل ما ندخل في عمل التورتة . طيب الجناش لما بنسيبة برى التلاجة سواء في طبق أو لما يكون على التورتة اية الي بحصل ؟؟ بيرجع طري زي كدة لكن متماسك ومش حيسيح أبداً . عكس لو كان داخل في مكوناتة زبدة أو لبن بودرة أو زيت
وزي ما قلنا حنستخدم الجناش بشكلين قلنا السائل للتغطية التورتة من فوق وللحشو حنعمل . كريمة جناش الشوكلاتة . وهي بسيطة جداً حنضرب جناش الشوكلاتة البارد جداً لحد ما يبقى قومة كريمة وزي الكريم شانيتة . أسيبكم مع الخطوات للمرحلة دي
ونحتفظ بكريمة جناش الشوكولاتة في الثلاجة بادرة لحين الاستخدام
وده شكلها من جوه
0 التعليقات:
إرسال تعليق