هذي مقادير المجموعة الأولى بعد ما خمرت وهي
2 كوب ماء دافئ
2 كوب دقيق
1 فنجان سكر
2 ملعقة طعام خميرة
2 ملعقة طعام حليب
واهني مقادير المجموعة الثانية ½ كوب زيت و3 أكواب دقيق فاخر منخول مضاف له رشة ملح
صبية مقادير المجموعة الأولى لاني قررت أعجن بإيدي . لاحظوا عزيزاتي كيف المزيج كيف وخامر ومليان فقاقيع.
وضفت الدقيق
وبديت أعجين وهني بدأت تظهر ملامح العجينة
ضفت مقدار الزيت وعجنت أكثر
لاحظوا هذي المرحلة العجينة لينة لكن يوم نشلها من الاناء ما تلزق فيه
واهني أحبتي العجينة صارت ملمومة على بعض لكنها ما زالت بحاجة إلى عجن
اهني نزلت العجينة على سطح مرشوش بالدقيق
وبديت أعجنها زين
لاحظوا كيف لينة ومتماسكة
وهذي هي العجينة الحلوه بعد ما خلصنا من عجينة لاحظوا كيف متماسكة
واهني صوره عن قرب لقوامها
هذي العجينة قسمتها بالنص لاني الوالدة تبى صينية بيتزا كبيرة . النص الثاني حق شوكلاتة
اهني بعد ما كورتهم الكره الكبيرة لبيتزة الوالدة والجزيئين الصغار قررت أسوي نوعين فطاير
في تاوة مدهون شوية زيت فردت الجزء الكبيرة بهذي الصورة
وحطيت الكتشب
ووزعته على كامل الصينية
وبعدين كنت مقطعة الخضرة وهي (طماطم مقشرة – فلفل بارد – زيتون أخضر) وبعدين رشت الصينية بالجبن المبشور
ودخليتها الفرن على حرارة 160 درجة لحوالي 20 دقيقة وفتحت الشواية عليها عسب الجبن يحمر شوي . وهذا شكلها بعد ما طلعتها
واهني صورة أقرب
لاحظوا ماشاء الله بعد ما بردت كيف هشة وقطنية .
وصلنا لفطاير شوكلاتة فردت العجين المتبقي على شكل دائرتين
الدائرة الأولى سويتها فطاير جبن . فقصيت العجين على شكل مثلثات كما هو موضح في الصوره أدناه
واهني لفتيهم بعد ما حشيتهم بجبن كيري
وهذا شكلهم بعد ما تخمروا دهنيتهم بحليب ورشيتهم بالسمسم
وهذا شكلهم بعد ما خبزتهم في الفرن أترككم مع الصور
ولفيتهم على الأقماع كما هو موضح أدناه أحبتي
وخليتهم يخمرون وبعدين دهنهم بحليب
واهني شكلهم بعد ما طلعوا من الفرن . الله يهديهم الي في البيت ما عطوني فرصه أحشي الأقماع .
دهنت الدوائر بالكاتشب Mini puzza وبعد سويت
ووزعت الخضرا والجبن المزاريلا .
بتلاحظون بيتزة الوالدة استخدمت جبن غير وبيتزتي انا بعد غير كل واحد في البيت عنده مدرسة يمشي عليها خخخ ودايما نقوم (الاختلاف في الرأي لا يفسد للود قضية). واهني شكلها بعد ما طلعت من الفرن
واهني صوره أقرب للبيتزا
واهني شكل البيتزا من تحت لاحظوا كيف هشة ورائعة
الجزء المفضل عندي . الله يسلمكم زادت قطعة صغيرة من العجين قلت ما بخليها تروح علي فقررت أحشيها شوكلاتة ^^
اهني حطيت شوكلاتة الجلاكسي والي تعتبر أورع شوكلاتة لحشو الفطاير .
وسكرتها على شكل سمبوسة بي شوي كبيرة هههه^^
ودهنتها بالحليب وخبزتها في الفرن لحوالي العشر دقائق وهذا شكلها بعد ما طلعت ^^
وهذا شكلها من تحت لاحضوا كيف غير متقنة لاني سويتها بسرعة بسرعة
واهني شكلها بعد ما قصيتها لاحظوا عزيزاتي قوامها من داخل ولا أروع هشة ومنفوخة ويوم تاكلينها ......
يوم تاكليها جذي يستوي تحسينها تذوب ولينة وتنبلع برحها بدون عصير خخخخخ
واهني صورة أقرب لشكل فطيرة الجلكسي عزيزاتي . اخ تمينيتكم تكونون وياي
الحين وصلنا لتقدير الفطاير الي هم (فطاير الجبن والبيتزا الصغيرة) . اني صور لشكل الصحن الكلي
واهني صور قريبة للفطاير
اهني شكل البيتزا بعد ما بردت ولا أروع
واهني شكهم من داخل طبعا ما أقدر أوصف لكم مذاقها . وعلى فكرة اذا تمت لحد ثاني يوم تكون بنفس الطراوة يعني ما تيبس
(طبعاً هذا اذا تم شي)
تشكيله خلية النحل حشيتها جبنة فيلادلفيا شكلتها وتركتاه تخمر
شكل ثاني محشي فيلادلفيا
تلف وتساوى بالسكين وتوضع بالقالب
هنا طبقت لفه من لفات الرول
ودهنتها جبن واضفت عليه رشه زعتر يمي
نفسها وضعتها بقالب صغير
بعد ان خمرة ماشاء الله
ماشاء الله
0 التعليقات:
إرسال تعليق