طاجن المسقعه باللحم المفروم
استحدمت هنا :
كيلو إلا ربع باذنجان رومى– ربع كيلو فلفل رومى ألوان – بقية الطماطم المعصورة-بقية اللحمة مفرومة- كان نفسى أحط قرنين فلفل حامى بس ماقدرتش أقول إيه............................. حكم القوى عالضعيف
حمرت الباذنجان والفلفل فى الزيت
سبكت نصف كيس الطماطم المعصورة وبرضه ضفت معلقتين صلصة طماطم
بس المرة دى بالبصل فقط يعنى شويه بصل على سمن ولما الريحة تطلع بانزل بالطماطم والصلصه وأغطيها وأضيف الملح والفلفل الإسود وأسيبها تتسبك
وبعد ماتتسبك خالص نزلت باللحمة المفرومة
وباضيف كوبايه ميه وأسيبها تاخد غلوة على فكرة أنا غيرت الحله هنا عشان أعرف أصور
وبعدين نزلت بالباذنجان
وسيبتها تغلى وتتسبك شويه لإن عندى بيحبوا الباذنجان يكون متغلغل مع اللحمة المفرومة برضه حكم القوى عالضعيف
ودة شكلها بعد ما تمت عملية التغلغل بنجاح
وحطيتها فى الطاجن وضفت كوبايه ميه كمان لإنها اتسبكت قوى عالنار
وهنا ضفت الفلفل الألوان وكان نفسى أحط الفلفل الحامى بس أقول إيه ................................ كملوا إنتم أكيد حفظتم هههههههههه
وبادخلها الفرن وبرضه الفرن لازم تكون حاميه جدا جدا
حوالى نصف ساعة فى فرن حاميه تاخد لون وتتذوق
ودة شكلها بعد ما اتذوقت بس الصينيه دى كانت متزوقة مرتين مرة بالفرن ومرة بالفلفل الألوان
ودة شكلها وبصراحة شكلها كان أحلى فى الحقيقة لإن الصورة مش مبينة لون الفلفل الرومى الأصفر كويس أصل المصوراتى كان غشيم حبتين
0 التعليقات:
إرسال تعليق