فطير الطاسة المحشي حادق وحلو

فطير الطاسة المحشي حادق وحلو


المكونات (2 ونصف كوب دقيق +1 كوب ماء دافئ+رشة ملح +زيت) نخلط المكونات ونعجن لمدة 5 دقايق
حتي تصبح العجينة طرية




ونقطعها قطع صغيرة كده

وعشان تتفرد بكل سهولة هقولكم خطوة جميلة جدااااااااا



هاتي طبق وحطي معلقة زيت ثم قطعة عجين ثم معلقة زيت ثم قطعة عجين وهكذا
بحيث الزيت يغمر العجين كده
ونسيبها ترتاح 1/2 ساعة في مكان دافئ ونغطيها بكيس



وطبعااااااااااااااا الزيت ده هنستخدمه في تسوية الفطير مش هنرميه لانه نضيف طبعا

وندهن الرخام زيت ونفرد الفطيرة بطريقة دائرية باطراف الاصابع او بالنشابة
نفرد الاطراف ومش هنفردها من النصف قوي عشان هنحط الحشو عليه
يعني مش ضروري نفردها رقيق كده






وناخد العجينة ونكون مجهزين طاسة ونفردها فيها كده
مش ضروري تكون طاسة تيفال اي طاسة او صينية عادي

وطبعا نكون مجهزين الحشو علي ذوقكم مهلبية او بسطرمة او سجق
وطماطم قطع وفلفل وجبنة مثلثات  او رومي او موتزاريلا اوكي




وهنا حشيتها جبنة وفلفل وروستو وزيتون

وهنا حشيتها بسطرمة

وديه حشيتها مهلبية بالقرفة وزبيب وجوزهند وعليها رشة سمنة او قشطة

وطبعا نقفلها مربع او دائرة كده من الجوانب




ثم بعد ما نقفلها نضيف لنفس الطاسة 2 معلقة زيت وعلي ناااااار عالية في الاول نسويها
ثم نقلبها علي الناحية التانية ثم نهدئ النار عشان تقرمش وتاخد لون ذهبي جميل وطبعا نقلبها
من وقت للتاني سريعة جدا في التسوية




شوفوا شكلها جميل ازاي وطعمها كمان روعة

وديه بالمهلبية امممممممممممم

وده بعد ما قطعتها طرية من جوه ومقرمشة من بره