طريقه عجينه العشر دقايق
العجينة عباره عن مجموعتين من المكونات, نجهز اول مجموعة ونتركها تخمر حوالى عشر دقائق (وده سبب تسمية العجينة) او حتى تظهر الفقاقيع بالعجينة وترتفع فى الاناء.
مقادير المجموعة الأولى
2 كوب دقيق 2 معلقة لبن بودرة (ما ينفعش اللبن السائل)
2معلقة خميرة فورية
2 معلقة سكر
2 كوباية ماية دافية
مقادير المجموعة التانية
3 كوباية دقيق
1/2 كوباية زيت
معلقة ملح
شرح الطريقة
نضع مقادير المجموعة الأولى فى وعاء ونصب عليهم الماية الدافية
ولما نقلب المكونات كويس حتبقى عندنا عجينة لينة أوي زي عجينة البان كيك
المطلوب انها تتضاعف كويس جدا وتخمر وتبقى مليانة فقاقيع
لما تكون مقادير المجموعة الاولى خمرت حنضيف عليها مقادير المجموعة الثانية ونبدأ بالدقيق دفعة واحدة ونبدأ نعجن بإدينا أو بالعجانة
نضيف الزيت وهو نص كوباية ونستمر في العجن
ننزلها على رخامة ونعجن لحد ما تبقى متماسكة كويس جدا وما بتلزقش وفي نفس الوقت طرية
وإحتمال تحتاجي نص كوباية زيادة أو أقل حسب الرطوبة الموجودة في الدقيق وحسب العرق الي فية.
نرش دقيق على الرخامة ونشكل العجينة حسب الرغبة لعيش فينو او كيزر او كرواسونات.
بترشى الصينية دقيق او زيت , انا رشيت دقيق بس البيض اللى دهنته خلاها تلزق شوية عشان كده زودى الدقيق المرشوش او جربيها بالزيت.
شكلى العجينة حسب الرغبة وادهنيها بالبيض وشة حبة البركة
الفينو بتاخدى حتت عجين اد كرة البينج بونج او اكبر شوية حسب حجم الرغيف اللى عيزاه بس هو بيخمر وبيتضاعف حجمه, المهم بتفردى العجينة بالنشابة وتلفيها رول وتخلى قفلة العجينة لتحت وترصيها فى الصينية.
الكيزر حتعملى كور اد كرة البينج بونج بردو وتحشيها زى ما تحبى او ساده.
الكرواسون بتفردى حتة عجينة دائرة وتقسميها على س وتحشيها جبنة او ساده وتلفيها من القاعده للقمة وتتنيها على شكل الكرواسون.
0 التعليقات:
إرسال تعليق