تورته الوايت فورست

تورته الوايت فورست



المقادير يا حلويين:
8 بيضات مفصولين الصفار لوحده والبياض لوحده - كوب ونص سكر مطحون
بقيس السكر بعد ما اطحنه - معلقه صغيرة عصير لمون - معلقة صغيرة فانيليا
2 كوب الا ربع دقيق - معلقة صغيرة بيكنج باودر
1/3 كوب ماء

ملاحظات: المقادير دي لصينية مقاس 26
نبطنها بزبدة ودقيق او ورق زبدة الاتنين ينفعوا
المكونات كلها بدرجة حرارة الغرفة
يجب الالتزام بكل خطوة للحصول على النتيجة المطلوبة
وهي سهلة جدا



الطريقة:
نبدأ اول حاجة بالصفار نخفقه دقيقة مع الفانيليا حيكون كدا


بعدين نضيف كوب من السكر البودرة لان الباقي للبياض
نضيف معلقة معلقة ونخفق لحد ما يبقى تقيل زي الكريمة حيكون كدا


اخيرا نضيف الماء ونخفق تاني لحد ما يتضاعف والعمليه دي حتاخد ربع ساعة


نغسل المضرب ونروح للبياض نخفقه الاول دقيقه لحد ما نشوف الرغاوي كتير


نضيف اللمون ونخفق وبعدين نضيف السكر النص كوب الفاضل معلقة معلقة لحد ما يتقل ويبقى كريمي


وننخل الدقيق مع البكنج باودر بمنخل رفيع مرتين
نرج للصفار ونحط عليه شوية دقيق ونقلب من فوق لتحت بسباتيولار
ومش عاوزين عنف بالراحة لحد ما يختفي كل الدقيق





اضافة الدقيق الافضل تكون بالمنخل زي كدا





وقبل اخر مقدار من الدقيق نبدأ بالبياض


ودا الخليط خلاص بقى جاهز للخبز


نحطه في الصينية وعلى الفرن على درجة 180
حتاخد حوالي ساعة الا ربع

حتطلع بالشكل دا..


نقلبها بعد ما تهدا شوية



خلاص كدا انتهينا من الكيكة الاسفنجية
وزي ما شفتم الطريقة سهلة اوي اوي


الكيكة بردت خااالص رحت قسمتها 3 طبقات


وجبت نص كيلو فراولة قطعتها بس كبير زي كدا


وحطيتها على النار مع اربع معالق سكر وفانيليا
بس خمس دقايق مش عاوزاهم ينهريو
وجهزت الكريم شانتيه


نجيب اول طبقة نسقيها شربات خفيق لازم لان الكيكة سكرها قليل
وبعدين نحط طبقة فراولة بالشكل دا


بعدين طبقة حلوة كريم شانتيه


وبعدين نكرر نفس الخطوات


ونحط اخر طبقة ونضغط خفيف علشان الكريمة تتساوى


ونغطيها بالكريمة


ونعمل وردات بالكريمة داير ما تدور


هي وايت فورست لازم طبعا شيكولاته بيضا مبشورة على الوش والجناب
دا الوش


ولكن انا غيرت في الجناب سيحت شيكولاته وفردتها وعملت خطوط بالشيكولاته الدارك
وبعدين كسرتها بايدي ورصيتها في الجناب بشكل عشوائي





طبعا ممكن نزينها بكريز
انا عملت حاجة احلى شوفوا معايا
جبت فراولة غسلتها ونضفتها من الورق الكتير بس خليت شوية
ونشفتها كويس جدا


سيحت شيكولاته وغطيت الفراولة بالشيكولاته وبعدين رصيتهم بالشكل دا


علشان ارسم خطوط عليهم عملت كورن او مخروط بورق الزبدة
وطريقته انك تقطعي مثلث كبير زي دا


تمسكي من الطرفين وتعملي كورن وبعدين تلزقيه


بس كدا وتعبي شيكولاته بيضا وتقفليه وبعدين تقصي شوية وترسمي بيه


وبجد لازم تجربوها الفراولة بالشيكولاته طعمها جميل جدا
انا دوقت وحده فورا


ونزين التورتة بالفراولة اخيرا
تابعوني


نرص الفراولة زي ما نحب
ودا الشكل النهائي