الفسيخ المصري بالصور

النهارده هـ نعمل الفسيخ  ف البيت من الالف للياء
هنجيب السمك البورى ولازم يبقى طازج طبعا (انا جبت الحجم الصغير الكيلو وربع بـــ 25 جنيه )

ونغسله كويس ونوقفه ع دماغه ف اى حاجه ضيقه عشان نتخلص من الدم الزياده اللى فيه ونسيبه حوالى 4 ساعات

هنجيب طبق ملح ونحط فيه معلقتين شطه ونقلبهم كويس كده

هــ نحضر كيس بلاستيك ونرش ف قاعه شويه ملح بالشطه

نجيب السمك بقا ونحشى الخياشيم بالملح و نرصه ف الكيس البلاستيك خلف خلاف (كل واحده عكس اختها ) ههههههه
[url=http://www.arab4load.info/][/url
دول حجمهم صغير ف حطتهم مع بعض ف كيس واحد

بعدين نرش عليه ملح من فوق تانى

ونقفل الكيس كويس قوووووى بعد م نطلع منه الهوا اللى فيه

الحجم الصغير بياخد 12 يوم ع م يستوى والكبير 15 يوم وبنحطه ف طبق ونشيله ف مكان اول 3 ايام م نجيش جمبه بعد كده بقلب الكيس كل يوم ع جهه معينه وتعلمى ع الكيس بقلم عشان تاخدى كل الاتجاهات ويبقفى طرى ويستوى كويس وده شكله


بتاخدى ع حسب اللى هيتاكل والباقى تشليه ف كيس ف الفريزر عشان م يحدقش والملح يزيد

وده شكله من جوه وقت التقديم