جاتوهات متنوعه
انا عملت كيك اسفنجي ابيض وشيكولاته
ربع كيلو دقيق اسبونج ابيض+3 بيضات +فانيليا + ربع كوب ماء
احط كله علي بعضه في المضرب 10 دقايق وحطيتهم في صينية 28 مستطيلة
طبعا مش هتكون عالية لاني عايزاها طبقتين بس مش 3 زي التورتة
وعملت كمان ربع كيلو دقيق اسبونج شيكولاتة نفس الكلام
وبعد ماتستوي اقسمها
انا قسمت الصينية نصين بالعرض واخدت نص منهم وقسمته نصين وطبعا ترجع لكل واحدة حكاية التقسيم
النوع التاني :جاتوه البلاك فورست
هاخد نص من الكيك الشيكولاتة واقسمه شريحتين بالعرض
واحط عليه كريم شانتيه ابيض
واحط النص التاني من الكيك واغطيه من فوق بكريم شانتيه ابيض تاني
اساوي واقطع الحروف الاربعة واقطع الجاتوه بالحجم المناسب (سواريه او عادي)
اعمل وردة بالكريم شانتيه في وسط كل قطعة وابشر شيكولاته بني عليها
واحط كريزة فوق كل وردة وهيكون دة شكله النهائي
النوع الثاني:جاتوه ابيض بالكريمة البيضا
وطبعا دة اسهل نوع بنجيب كيك اسبونج ابيض ونقسمه شريحتين بالعرض ونحشيه كريم شانتيه ابيض
ونغطيه من فوق بكريم شانتيه ابيض وعليه وردة كريم وكريزة ولو تحبي فواكه من اي نوع
والصور
نساوي الحروف ونقطعه بالحجم المناسب ونحط علي كل قطعة وردة كريم وكريزة
ودي صورة تانية من الجنب
النوع الرابع:جاتوه بالشيكولاته
هنستخدم كيك اسبونج شيكولاتة ونقسمه شريحتين ونحشي بالكريم شانتيه بالشيكولاتة ونغطي بكريم شانتيه شيكولاتة برضه
نساوي الحروف الاربعة ونقطع الجاتوه بالحجم المناسب وفوق كل قطعة وردة كريم شانتيه وكريزة بالشكل دة
0 التعليقات:
إرسال تعليق