تورته علي شكل كتاب بالصور والتفاصيل

الشكل النهائي للتورتة

طبعا زي ما شايفين علي شكل كتاب

نبدأ بسم الله الخطوات
استخدمت دقيق التورتة الجاهز وسبق وشرحت بالصور المقادير والطريقة
http://boswekol.blogspot.com/2014/04/blog-post_7205.html
عملت ربع كيلو دقيق تورتة ابيض +3 بيضات وفانيليا +ربع كوب ماء وضربت كله 10 دقايق
وحطيتهم في صينية مستطيلة وع الفرن
وكمان ربع دقيق تورتة شيكولاتة+3 بيضات وفانيليا+ربع كوب ماء وضربت 10 دقايق
وفي صينية مستطيلة وع الفرن
ودة شكل الصينية

اسمحوا لي مش هكرر الطريقة بالتفصيل لانها موجودة في الحلقات اللي فاتت
وفي اخر الموضوع هنزل لينكات الحلقات اللي فاتت
بعد مايخرج الكيك من الفرن هقسم كل واحدة الي شريحتين بالعرض ونصين بالطول
زي كدة

ناخد نص شريحة ابيض وجنبها نص شريحة بني في الطبق اللي هنقدم فيه زي كدة

وهنحط عليهم الكريمة
انا استخدمت كريم شانتيه للنص الابيض وكريمة الزبدة بالكاكاو للنص البني
الكريم شانتيه موجود في الحلقات السابقة
وكريمة الزبدة
باضرب الزبدة اللي بدون ملح لغاية لونها ما يفتح واضيف السكر الايسنج بالتدريج لغاية ما اوصل
لدرجة السمك ودرجة الحلاوة اللي عايزاها
ممكن اضيف شوية لبن صغيرين لو عايزاها اخف في القوام او ازود سكر لو عايزاها اتقل
هنا لما ضربتها بالسكر

وبعدين اضافت الكاكاو
نحط الكريم شانتيه ع النص الابيض وكريمة الزبدة علي النص البني زي كدة

وبعدين شريحة تانية من الكيك علي كل نص وعليها كريمة تاني
الجزء اللي جاي بقي
انا كدة عندي نصين شريحة ابيض ونصين بني لسة ما استخدمتهومش
هقسم كل شريحة تلتين وتلت
كدة


احط الجزء التلتين في النص فوق الطبقات اللي فاتت

ونحط عليهم كريمة
لو اكتفيت بالارتفاع دة يبقي احط التلت الاخير ع الوش وخلاص
لو حبيت ارتفاع اعلي احط التلتين التانيين بتوع الشريحة اللي فاضلة فوقهم
وفي الاخر احط التلت الاخير من فوق وهيبقي كدة

كدة احنا عملنا الاساس
الخطوة اللي جاية بقي مهمة
هنقطع بالسكينة الاجناب بميل زي كدة

واللي هيتقطع من كل طبقة نحطه علي الطبقة اللي تحتها
هنقطع مرة من الجزء اليمين للنص الابيض ومرة من الجزء الشمال للنص الابيض برضه
ونكررها مع النص البني

وطبعا الزيادة اللي بتطلع بتملي الجزء اللي فاضي من النص بشكل مايل
ونفس الكلام بالنسبة للحروف بتاخد شكل الميل
وتقريبا هتكون كدة

اغطيها من برة بالكريم شانتيه الابيض

واعمل من الاجناب خطوط بالسكينة المشرشرة كأنها صفحات


وبعدين كتبت عليها باك تو سكوول
وعملت كام وردة صغيرين بالكريم شانتيه وحطيتهم عليه
وجوود لك