كيكة الجيلي بالفراااوله ولا أسهل

كيكة الجيلي بالفراااوله ولا أسهل من كده بصراحه


المقادير:
1 ونص كوب دقيق
2 ملعقه بيكنج بودر
1 رشة ملح
5 بيضات كبيره
1 وربع كوب سكر ناعم
1 م صغيره فانيليا سائله ولو مش متوفره عندك كيسين فانيليا
1م صغيره برش برتقال ناعم
10 حبات فراوله أو أي فاكهه متوفره عندك
2 باكيت فراوله
أول حاجه نشغل الفرن على درجة حرارة 180 درجه وبعدين نحضر الصينيه وندهنا سمنه او زبده ونرشها بالدقيق ويفضل تكون صنيتك غوييطه وصغننه
بعدين نضيف 2 باكيت الجيلي على 4 كوب ماء في حله على النار ونقلبه لحد ما يذوب تمامآ ونسيبه لحد ما يغلي وبعدين نطفي عليه

بعدين ننخل مقدار الدقيق مع البيكنج بودر والملح وبشر البرتقال مع بعض

والسكر والبيض والفانيليا مع بعض ونضربهم كويس بالمضرب لحد ما يبقى القووام كريمي ولونه مائل للأبيض

نضيف عليه بعد كده خليط الدقيق ونقلب بملعقه من فوق لتحت ونحطها في الصينيه وندخلها الفرن ونسيبها لمدة 25 دقيقه بالضبط عشان ماتحروقش منك ونفتح ونشوف السكينه إذا كانت استوت ولا لاء زي أي كيك عادي بتعمليه ولما تستوي تفتحي عليها الفرن 5 دقائق وبعدين تتطلعيها عشان ماتهبطش ونسبها تستريح على شبكه ودي شكلها لما خلصت
وبعدين الصينيه إلي عملتي فيها الكيكه تغسليها , ها غسلتيها , غسلتي , مساء الفل
وتجيبي فراولتك الجميله وتقطعيها شرائح هي والموز (الفواكه حسب الرغبه بس على الأقل تحطي نوع واحد)وتصبي عليها نص كوباية جيلي أو كوباية كامله وتدخليها التلاجه نص ساعه

وبعدييييييييييييييييييين نطلعها من التلاجه ونحط عليها الكيك إلي عملنها كأنك بترجعيه تاني مكانه تمام كده وبباقي الجيلي إلي قدامي أسقيها بيها كلها كأني بشرب بسبووسه تمام كده بردووو وبعدين أدخلها التلاجه ساعتين أو تلاته

وده شكلها لما طلعت من التلاجه وطعمها جمييييييييييل جدآآآآآآآ