البيتيفور باستخدام السمن اكثر من راااائع

البيتيفور

اولا فى قاعده للبيتيفور:
*لازم السمنه تكون ضعف السكر
*لو استخدمتى الزبده(الصفرا)تزودى كميتها بسيط عن السمنه لان بداخلها
نسبه سائل طبعا غير السمنه
*الكوب سمنه له بيضه

*الدقيق ضعف السمنه*لايعجن الدقيق
طريقتى::::::::
**
2ونصف كوب سمنه بلدى(زبده فلاحى مسيحه)
**1وربع كوب سكر بودره
**5كوب دقيق حسب نوعه
**3بيضات بلدى او 2وصفار واحد بيض احمر
**فانيليا
**انا بحط نصف ملعقه بيكنج بودرفقط بتخليه رائع
وممكن ماتضيفيش
*كاكاو لتلوين العجينه (طبعا خام)
بنخفق السمنه مع السكر جيدااااااااااااااااااااااااااااااااا
شوفوا جيدا قد ايه
نضيف البيض واحده بعد واحده ونستمر
ومعاه الفانيليا
نضيف الدقيق ونلم العجينه فقط
ملحوظه****هتحسى شويه انها بتلزق ماتخافيش واوعىتزودى دقيق الا ان يكون نوع الدقيق مابيشرب السوائل وبرضه مش كتير
نغطيها ببلاستيك ونسيبها نصف ساعه وبعدين نشكل بالماكينه

الفرن من متوسط الى هادئ حسب نوع فرنك
واما يخرج ما تنقليه الا لما يبرد


تلزقيه بالمربى اوالشيكولاته وتزينيه بالفارماسيل اوجوز الهند او المكسرات وتعبيه فى علبه بلاستيك