حلي الانناس البارد من الداعيه ربها
ها ايه رأيكم ؟؟
يلا نشوف المكونات
علبه كمبوت اناناس
2 كريم كراميل ( البودر بس )
دريم ويب
بسكوت ساده
علبه قشطه
و4 قطع جبنه كيري ( اختياري )
والتزيين فستق مبشور او شكولاته مبشوره زي ما تحبي
الطريقه
ناخد شويه مايه من بتاعة الاناناس ونبل البسكوت بتاعنا ( وممكن تستخدمي الحليب السايل بديل )
هنا رصيت البسكوت طبقتين فوق بعض
نحضر بقه طبقه الاناناس
نحط الاناناس بتاعنا بالمايه بتاعه كله في الخلاط مع 2 كريم كراميل
ونضربهم كويس ناعم
نحطه في الحله علي النار لحد ما يغلي ويتقل معاكي
وبعدين نضيفه للبسكوت بتاعنا ونحطه في التلاجه لحد ما يجمد ويبرد معايا وطبعا هيجمد بسهوله عشان الكريم كراميل
نجهز الطبقه التالته
الدريم ويب بتاعي بالمضرب الكهربائي ونحط شويه حليب بارد لحد ما ينفش معايا
وبعد اضيف القشطه والكيري
ونضرهم كويس تاني
هنا شكله جاهز اهو
نبتدي نضيفه لطبقه الاناناس بتاعتي
ونحاولي نسويه كويس بالمعلقه
ندخله التلاجه علي الاقل ساعتين لحد ما يتماسك كويس
ونزينه باللي تحبيه انا ضيف فستق مجروش ممكن تضيفي شكوته مبشوره اللي تحبيه
هنا بعد ما قطعته
بجد يابنات طعمه رااااااائع ولذيييييذ جدا
شوفوا متماسك ازاي
0 التعليقات:
إرسال تعليق