سينابون رولز

 السينابون رولز

المقادير
2 كوب دقيق منخول
معلقة كبيرة بكينج بودر
رشة ملح
معاقة خميرة "دوبتها فى مياه دافية ومعلقة سكر فى كاس الخلاط "
ثلاث ملاعق كبيرة لبن بودرة
ثلاث ملاعق كبيرة سكر
ربع كوب زبدة على نسبة بسيط زيت
بيضه
فانيليا



للحشو والصوص الابيض 
قرفة
كاكاو
معلقتين كبار زبدة
سكر
3 وحدات جبنة كيرى
ربع كوب حليب مكثف محلى
فانيليا "اختيارى
فى كاس الخلاص "شفشق الخلاط"هنضرب الخميرة مع البيضة واللبن البودرة والسكر وربع كوب الزبدة على الزيت ومعلقة صغيرة فانيليا
وبعدين نصبهم على بقيت المكونات الجافة "الدقيق والبيكنج بودر ورشة الملح "
وبعدين نعجنهم بايدينا لحد ماتبقى عجينة ملساء
ملحوظة حطى كمية السوائل كلها ولو احتاجت دقيق زودى معلقة بمعلقة لحد ماتلم معاكى
ونسيب العجينة فى مكان دافى لحد ماتخمر
نجيب مقادير الحشوة بتاعتنا "القرفة والسكر والكاكاو والزبدة"ونخفقها بالمضرب الكهربى
نفرد العجينة بتاعتنا ونفرد عليها الحشوة مع مرعاة ترك حوالى ا سنتيمتر من كل ناحية
ونلفها على شكل رول ونبدا بتقطيعها
وبعدين احطها على صينية الفرن واحط تحتها ورق زبدة مدهون بسيط واسيبها تخمر تانى
وبعدين اخبزها على فرن عالى لحد ماتستوى بس ماتنسوهاش هى مابتاخدش وقت فى السوا يعنى هى اخدت من 15 الى 20 دقيقة
وبعدين احط عليها الصوص الابيض بتاعها
وتزين حسب الرغبة
انا زينتها بصوص شيكولاتة ومكسرات
وتقدم بالهنا