الكيك الطبقات بالقرفه والسكر ولااا اشهي
المقادير:
2 ونص كوب دقيق
كوب وربع سكر
نص كوب زيت
كوب ونص لبن
2 بيضة فانيليا
2 م ص بيكنج بودر
اول حاجة هنجهز الحشوة وهي عبارة عن:
معلقة كبيرة من القرفة والكاكاو والنسكافيه والسكر(انا استعملت سكر بودرة)
هنضرب في الخلاط البيض مع السكر كويس اووي وبعدين نضيف الزيت واللبن ونصب الخليط في طبق عميق ونضيفله الدقيق مع البيكنج تدريجيا الخليط مش مفروض يكون تقيل خالص بيكون خفيف نوعا ما
المهم هناخد مالخليط كبشتين نفردهم في صينية مدهونة او الافضل نحط ورق زبدة وندخل الصينية الفرن لمدة 7 دقايق لحد مااول طبقة تتماسك والافضل نفتح الشواية كمان في نفس الوقت
بعد كدة هنخرجها ونضيف جزء من الحشوة الي جهزناها في الاول بالشكل دة
ونضيف كبشتين كمان من خليط الكيك علي الحشوة وندخلها الفرن ونتابعها لانها مش بتاخد وقت يعني ممكن الطبقة تاخد 5:8 دقايق عشان تتماسك وكل مرة نطلعها نحط بقية الحشوة ونضيف كبشتين لحد مالخليط كله يخلص
معلشي انا هوريكوا بقي الشكل النهائي
المهم بعد ماتهدي نزينها وندخلها التلاجة ساعتين تلاتة
دة قبل التقطيع
الجزء الابيض خليط من شوية من الحليب المحلي و3 قطع كيري نضربهم مع بعض لحد مايبقوا زي الكريمة كدة الحليب المحلي ممكن كمان يتعمل في البيت سهل جدااا
والجزء الصغنون دة رشيت عليه كاكاو خام...التزيين علي حسب ذوقك ممكن صوص شوكولاتة بس او نضيف خيوط من الحليب المحلي او صوص كراميل
طبعا مش هنسيب الكيك كدة انا قطعت الحروف شلتها خالص وقطعت الكيك بشكلين
دة شكل بالكاكاو طعمه حلووووووو بجد
ودي قطعة مالابيض شوفوا جمال الطبقات
ن
وقطعت شوية زي الجاتوه السواريه عجب الولاد اوي
شوفوا الجمال والشيااااكة
انا اخدت قطعتي اضفتلها صوص شوكولاتة طعمها كان روووعة الشوكولاتة بنت اللذيييييينة ادمان لا مفر منها
يارب تكون الوصفة عجبتكم متفتكروهاش صعبة وانتي واقفة في المطبخ بتعملي شغلك حطيها في الفرن وتابعيها هتلاقيها خلصت من غير ماتحسي
والطبق دة ليكوا عشان بحبكم
0 التعليقات:
إرسال تعليق