الرز البخاري اللي هتاكله مرة مش هتبطل تعمله

بسم الله نبدء

المقادير
2 كوباية رز
نص او فرخة كاملة
2 معلقة زبدة ومعلقة زيت
بصل مقطع مكعبات
كمون حب مش مطحون
حبهان
فلفل حصى
قرفة عيدان
بشر جزر
عصير جزر بيتعمل انك تجيبي 3 جزرات تقطعيهم وتحطيهم ف الخلاط مع حبه مية وتضربيهم كويس وتصفيهم
ملح
زبيب

للتزيين
زبيب وبندق او لوز حسب الرغبة
الطريقة
هنضيف الزبدة والزيت ف الحلة بتاعتنا
هنضيف البصل
هنقلب البصل لحد ما يغمق شوية بسيط

بعدين ننزل بالفراخ بتاعتنا
نقلب الفرخة بتاعتنا ونحط الكمون والقرفة والحبهان ونقلب كويس
هنضيف بعد كده المية وتسيب الفرخة تاخد راحتها وتستوي شايفين المية مغطية الفرخة
هنا الفرخة استوت خلاص واتشربت المية بتاعتها وفاضل حبه من الشوربة اللي استوت فيها
وننشلها من الشوربه
الشوربه  عملت كوبايتين وده عصير الجزر اللي بقول عليه كوباية والكوباية الرابعه مية طبعا ياجماعة البسمتي ضعف المية يعني كوبايتين عليهم 4 كوبايات ميه ماشي يبقى احنا حطينا الشوربه بتاعت الفرخة بعد ما صفيناها وكوباية جزر وكوباية مية
ونحط الملح بتاعنا
ادي الشوربه بتاعتنا وعصير الجزرهنضيف بعد كده الجزر المبشور والزبيب
اهوه نقلب لحد ما الرز يشرب ميته
ف الوقت ده هنجيب الفرخة بتاعتنا وندهنها حبه كاتشب ع صلصة طماطم وندخلها الفرن ونولع الشواية تاخد لون
وللتزين هنجيب زبيب وبندق ونحمره ف حبه زبدة صغيرين خالص وبالنسبة للبندق فهو اختياري بس الزبيب اساسي لانه بيتباع كده بالشكل ده
وبكده خلصنا الطبق
زينته بالبندق والزبيب ورشة بقدونس