كحك العيد بالعجميه والملبن

1_كحك العيد بالعجميه
المكونات
(1 كيلو دقيق+ 2 كوب سمن وزن الكوب 200 جرام + 1/2 كوب ذبدة صفراء) +1 م صغيرة خميرة فورية+1 م ك سمسم +2 م ص ريحة كحك +1 م ص ملح+1 كوب ماء دافئ +1 م ك سكر
ده شكل الكوب لقياس السمن او استخدمي كوب معياري لو عندك بيوزن 200 جرام







الطريقة:
1-نخلط الخميرة مع السكر والماء الدافئ حتي تتضاعف
2-نضع الدقيق مع رشة الملح في طبق
3- نسخن السمن مجرد تسخين ونبعده عن النار ونضيف عليه الزبدة تسيح فقط
ونضيفهم علي الدقيق فورا ونستخدم معلقة خشب لانه بيكون ساخن جدا
4-وبعد ما حرارة الدقيق تقل نبداْ باستخدام اليد نبثه وندعكه كويس ببطن اليد كما بالصورة مدة 10 دقايق
عشان يكون ناعم طبعا
5-ثم نضيف الخميرة بعد ما تتخمر علي الدقيق ونجمع العجينة
6- نغطيها ونشكل الكحك وننقشه سواء بعدة كحك او منقاش







طريقة العجمية


2 معلقة ك دقيق +3 م ك سمن +1 كوب عسل نحل+1 كوب عين جمل
الطريقة



1-نسخن السمن ونضيف عليها الدقيق حتي يصبح ذهبي اللون
2- ثم نبعدها عن النار ويضاف العسل مع التقليب بسرعة



3-ثم نضعه علي النار مرة اخري حتي يتماسك ويضاف عين الجمل ونتركها تبرد



4- ثم نشكلها كرات صغيرة لحشو الكحك
وديه صور الخطوات:







وطبعا نقسم اكحك كرات صغيرة ونحشيه العجمية
وننقشه سواء بمنقاش عادي او في عدة الكحك







بالنسبة لحشو الملبن




نهرس الملبن بشوكة ونضيف عليه 2 م ك سمن دافي وممكن نزود روح موز بيبقي اجمل



علي طريقة جدتي
ونعمله كرات صغيرة ونحشي بيها الكحك ده شكل ملبن مهروس مع سمن
ولازم كده عشان يبقي طري داخل الكحك

وده كحك بالملبن

وده بالعجمية شكلته بعدة الكحك
طريقة التسوية
بعد ما نشكله نغطيه ونتركه يتخمر حتي يصبح خفيف الوزن
لاْن الكحك مش بيرتفع في التخمر لكن بيكون خفيف جدا
نسخن الفرن علي 180 درجة من 10 ل 12 دقيقة



وده بالعجمية

***ونجمله بالسكر بعد ما يبرد خالص



ويفضل اننا نزين الكحك بالسكر عند التقديم
عشان بيتشرب السكر




وده بالملبن امممممممم

الكحك السادة بالسكر اخر جمال