طريقه عمل قطع جاتوه للمناسبات

طريقه عمل قطع جاتوه للمناسبات


2المقادير

4بيضات(طازج)
100جرام سكر عادى (نص كوب معيار)
100جرام دقيق منخول(الوزن افضل لان كل مره بيدى حجم مختلف حسب نخل الدقيق المره دى ال100جرام جت 1كوب معيار مش مهزوز ولا مكبوس عايرته بعد الوزن احيانا الكوب بيبقى 115جرام او120 يبقى الوزن افضل)
4جرام بيكينج بودر(ملعقه صغيره)
رشه صغيره ملح
فانيليا

انا طبعا عامله مقدارين ل2صاج مع بعض

الطريقه

****نحط البيض مع السكر مره واحده فى بوله على حمام مائى ساخن ونستمر فى خفقهم بالمضرب السلك لحد البيض ما يسخن معانا بدرجه معقوله نتحملها بالاصبع عشان البيض ما يستويش مننا





*****نشيل البوله ونضرب بالمضرب الكهربا ونضيف الملح ونستمر لحد مرحله الشريط او اننا نرسم 8على وش العجينه بالمضرب تظهر وتختفى فى ثوانى مش اكتر من كده مش عايزين الخليط يجمد قوى نضيف الفانيليا فى اخر خفقه



******نزين كل قطعه لوحدها حسب الرغبه بوردات الكريمه والكريز وبشر الشيكولاته والفارمسيل
او زى ما نحب






******نكون مجهزين الدقيق المنخول مع البيكينج بودر ونضيفه بالتدريج بالاسباتيولا بالراحه خالص

*****نصب العجينه فى الصاج ونفردها بالراحه بالتساوى وطبعا الصاج فيه ورقه خبز مقصوصه من الجوانب عشان تاخد شكل الصاج زى الصوره كده





*****نخبزها فى فرن اعلى من المتوسط200 درجه تقريبا لمده 10----15دقيقه حسب الفرن مانزودش خالص





****يهدى دقيقه وننقله بالورقه على شبكه يبرد
شايفين هش ازاى




*****يبات الكيك لتانى يوم وبعدين يتشكل ضرورى دى


*****نجهز الكريمه

انا بستخدم الكريمه الخام البودره
ربع كيلوا كريمه اخد منى3.5كوب معيار ميه متلجه يعنى حوالى 850مل ميه بالظبط
وده طبعا حسب نوع الكريمه وطبعا زودتلها سكر بودره فبل الخفق وفانيليا فى الاخر



ودى صورها فى الاول بتبقى سايله شويه وبعدين تبدأ تجمد وبضيف الميه بالتدريج مش مره واحده
لحد ما تنعم وتلمع وقوامها معتدل





تشكيل الجاتوه

نفرد اول طبقه كيك وعليها طبقه كريمه
****انا بسقيها شربات خفيف زى التورتات بس ممكن ما تحطيش حسب رغبتك







*****نكمل ال3طبقات ونفردالكريمه على الوش ونعمل شكل زجزاج باستخدام البلاستكه المشرشره
زى الصوره كده




*****اهم حاجه بقى هنا ندخلها التلاجه شويه تتماسك مش الفريزر

******نساوى الاطراف من كل الجوانب ماينفعش نساويها قبل الخطوه اللى فاتت عشان الشكل يطلع مرتب وحلو وطبعا بالسكينه المشرشره
*****تقسمى الجاتوه حسب رغبتك بالتساوى



*****ننقل كل قطعه جاتوه على الورقه الخاصه بالجاتوه او الكب كيك انا ما كانش عندى ولاواحد منهم قصيت من ورق الخبز قطع صغيره عشان نعرف نمسك القطعه بدون ما تتبهدل معانا





******نزين كل قطعه لوحدها حسب الرغبه بوردات الكريمه والكريز وبشر الشيكولاته والفارمسيل
او زى ما نحب


ودى صور الجاتوه بعد التزيين ومقولكوش على طعمه بقى ما شاء الله تحفه وطبعا ضامنه نضافته وكفايه انك عاملاه بنفسك مش جايباه جاهز