مكرونة الكانيلوني من مطبخي بالخطوات المصورة وتكاتي الخطيرة
السلام عليكم ورحمة الله وبركاته
النهاردة قررت أن أدخلكم معايا المطبخ عشان تشوفوا وصفتي
بتكاتي الخطيرة وتكات جمع تكة هههه بالمناسبة حطة نية حلوة أنكم تعملوا الأكل ده لإدخال السرور على قلب زوجك أو أسرتك بدل ما تتفشخري من فعل فشخرة هههههه ماشي
ندخل في المقادير
مقادير الحشو
نصف كيلو لحم مفروم- طماطماية -ملح - فلفل أسود- تابل -زعتر جاف- بصلة- ثوم ثلاثة فصوص كما هو موضح بالصورة
كيفية تعصيج اللحم عشان لو واحدة مبتدئة مبقاش حارماهامن حاجة ههههه
بستعمل زيت زيتون ثلاثة ملاعق أكل تقريبا وأضعهم في الحلة ومتقدحيش الزيت أوي وبعدينالبصلة المفرومة أنزل بيها وقلب شوية وبعدين الثوم المهروس وبعدين اقلبهم كمان مع بعض
وبعدين هاضع اللحم المفروم ومعاه الفلفل المقطع مكعبات صغيرة والبهارات المذكورة سابقا ماعدا الملح واسيبها على نار هادية
وبعد لما قربت تستوي أضع الطماطم المقطعة مكعبات صغيرة هتدي طعم جميل للحمة المفرومة وآخر حاجة بحطها الملح عشان اللحمة تستوي بسرعة
ودي صورة للحمة بعد ما اتعصجت
نيجي بقى للبشاميل فيه طريقتين لعمل البشاميل
مقادير البشاميل
:
كيلو لبن- ثلاثة ملاعق دقيق - خمسين جرام زبدة وربع جبنة جودة حتة واحدة عشان هنبشرها
الطريقة فيه طريقتين إما على البارد : وهي أني قبل ما احذ اللبن على النار أضع فيه الدقيق وبالمضرب السلك أخلطه مع بعض لحد ما يتجانس وبعدين لما يبقى كثيف أحط الزبدة أو إني أعمله بالطريقة العادية وهي إني أحط الزبدة بعد ما تسخن شوية مع الدقيق وأخلطهم لحد ما يتجانسوا ومخليهمش يغمقوا عشان ميكلكعش وبعدين أحط اللبن سخن مش مشكلة عشان لو عايزة اعمله بسرعة
ملحوظة لو كلكع ميعيطيش هههه هاتي المصفاة والدقيق المتكلكع ارميه واعملي بشاميل تاني
طيب فيه إضافة ودي أنا عملتها في وصفتي للناس اللي مش بتحب صوص البشاميل أبيض إنك تحطي كوب صلصة بيتزا زي اللي شوفتوها في مقادير البشاميل
أو لا براحتكم أنتم ممكن تعملوها في البيت أو تجيبوها جاهزة
أنا جبت برطمان عملت منه
ملحوظة: بعد ماتاخدي الكوب تحطي باقي البرطمان في علبة وتحطيه في الفريزر عشان لو سبتيه من غير استعمال هيبوظ
خلصنا الحمد لله
دلوقتي عايزين نحشي المكرونة نعمل إيه
الصورة هتوضح ده
طيب خلصنا حشيها نجيب صينية ونحط فيه تقريبا ثلاث كبشات ن البشاميل اللي عملناه ونحط فيه جبنة جودة (حبيبتي) بصي مش هاقولك هاتي جبنة موزاريلا بصي بصراحة بتبقى بعشرين جنيه يعني غالية وأختي قالتلي والعهدة على الراوي ههه أنها بتتعمل من اللبن اللي بيبقى قاطع فأحسن نجيب ربع جبنة جودة باثناشر جنيه ونعمل كل اللي احنا عايزينه وطعمها روووووعة
هنجيب حتى صحيحة ونبشر قد قبضة الأيد ونحطه في البشاميل
فمتحطيش ملح كتير يعني ممكن ملعقة شاي ممسوحة ملح عشان الجبنة فيها ملح
طيب هنحط البشاميل حوالي ثلاث كبشات وبعدين نحط المكرونة الكانيلوني حوالي 12 واحدة ولو تلاحظي أني باعدة ما بينهم عشان هي هتزيد
نيجي بقة لتكتي وهي أنك تسيبيها في الصوص ده ليلة في الثلاجة عشان تتشرب الصوص ومتحتجش أنك تسلقيها فهتبقى طرية من غير سلق وفي نفس الوقت هتشرب الصوص مش هتضيفي ليها مية السلق فهمتي ومش هتتقطع منك
هنخرجها من الثلاجة تاني يوم هتلاحظوا أن حجمها كبر
والصورة هتوضح ده
هنحطلها بشاميل تاني يغطيها تمااااما
وبعدين نحطها في الفرن لمدة نصف ساعة أو لحد ما تستوي هتختبريها بعود عادي
بعد ما تتستوي تحطي عليها باقي الجبنة الجودة اللي أنتي
بشرتيهاودي شكلها
وهكمل المشاركة الجاية بإذن الله بصوا يا ولاد الصور أنا كملتها
في المشاركات اللي في الصفح اللي جاية عشان معرفتش انزلها مرة واحدة وآخر صورة محمرة عشان حطيت عليها زبادي فرشتها من فوق على الجبنة عشان تدي اللون اللي أنتوا شايفينوا وتطرى أكتر والأفضل أنكم تضربوا الزبادي مع الجبنة المبشورة مباشرة عشان تبقى أحسن من بتعتي هههههه
ملحوظة : فاضل ثلث البشاميل وثلث اللحم المفروم وتسعة أنابيب عشان نعمل بيهم صينية ثاني
أنا بس شيلتهم عشان ينفعوني في أيامي البيضاء ههههه
ملحوظة : لو نشفت منك من فوق متخافيش اضربي علبة زبادي مع شوية جبنة موزاريلا وحطيها عليهامن فوق
0 التعليقات:
إرسال تعليق