طاجن البطاطس باللحمة المفرومة:
استحدمت هنا :
كيلو إلا ربع بطاطس صغيرة – كيس خرشوف مجمد مقطع إرباع- طماطم معصورة-لحمة مفرومة
قورت البطاطس وعلى فكرة أنا ساعات باقطع البطاطس إرباع وباستغنى عن التقوير خالص ودة بيكون أسهل وأوفر بس للأسف ولادى بيحبوها محشيه كدة فباضحك عليهم وباحط لهم فتافيت لحمة فى كل بطاطسايه
حمرت البطاطس بالتقوير فى الزيت تاخد لون
ورصيتها على إستحياء فى الطاجن زى ماانتم شايفين تقريبا مش باينة
وعلى فكرة لو البطاطس متقطعة إرباع برضه باحمرهاسبكت نصف كيس الطماطم المعصورة بس ضفت معلقتين صلصة طماطم
بس بالثوم بس مش بالبصل يعنى شويه توم على سمن ولما الريحة تطلع بانزل بالطماطم والصلصة وباغطيها وأضيف الملح والفلفل الإسود وأسيبها تتسبك وطبعا ممنوع التوم يتلون خالص يادوب أشم ريحتهوبعد ماتتسبك خالص نزلت بالخرشوف وهو مجمد وتقوير اليطاطس وحبة اللحمة المفرومة الباقيين
وباديها كوبايه ميه واسيبها تغلى
وباحطها فى الطاجن
وبادخلها الفرن الفرن لازم تكون حاميه جدا جداحوالى نصف ساعة فى فرن حاميه تاخد لون وتتذوق
ودة شكلها بعد ما اتذوقت ههههههه
ودة عن قريب زوووووووووووووووم
0 التعليقات:
إرسال تعليق