صينيه القرع العسلي بالباستري كريم
أولا جهزت المكونات:
قرع عسلى
سكر
مكسرات -زبيب -جوز هند حسب الرغبة
باسترى كريم
مكعب زبدة صغير
ودخلت عالطريقة:
أولا : القرع العسلى أنا جبت نصف قرعايه غسلتها كويس ونضفتها من البذر بتعمل صينيه كبيرة مقاس 40 وممكن يتبقى منها جزء صغير حاقولكم حنعمل بيه إيه بعدين بس تابعونى
القرعايه كلها على بعضها 4 كيلو يعنى النصف حوالى 2 كيلو
وكيلو القرع بياخد ربع كيلو سكر(ودى معلومة خدتها من الأخت فتوكة مصريه 37 ربنا يجازيها عنا كل الخير ويريح بالها ويطمنها دايما على إبنها آمين يا رب)
يعنى كدة محتاجين نصف كيلو سكر
حطيت نصفهم على القرعاية بالشكل دة
وغطيتها بالفويل
وكنت محميه الفرن على 240 لمدة نصف ساعة
وحطيتها فى الفرن وسيبتها مع نفسها حوالى ساعة وطلعتها من الفرن دة شكلها
شايفين مهريه إزاى والسايل بتاعها مركز إزاى وعلى فكرة يا بنات
ممكن قوى تطلع من الفرن و ماتكونش كلها مهرية بنفس الدرجة فعندى إقتراحين حسب الرغبه
لإما ترجعوها الفرن تانى عشان تتهرى كلها بنفس الدرجة
أو تقطعوا الجزء المستوى بس مش مهرى و لسة ماسك نفسه مكعبات بحيث اللى بياكل يحس بيها زى قطع من الفاكهة ودة بيدى مذاق مختلف وطعم أجمل
بعد كدة طلعت القرعاية من قشرتها
وحطيتها فى الحلة بالسايل بتاعها مانفرطش فيه لإن دة بهريزها الجميل
وضفت بقيه السكر (بقيه النصف كيلو) حيدوب بسرعة وقلبت كله فى بعضه
وضفت المكسرات والزبيب وجوز الهند
وفردتها فى الصينيه بعد ما دهنتها بالسمن وحطيت طبقة بقسماط مطحون فى القاع بس فى حاله إن السايل كتير بصورة واضحة ممكن نصفيه ونضيفه على أى عصير موجود فى المنزل زى عصير قمر الدين أو المانجو
بس دة ماحصلش معايا
بس السمك يكون وسط مش طخين ولا رفيع
ولو اتبقى منك حاجة حطيها فى علبه فى الفريزر وتابعونى فى موضوعى القادم
وغطيتها بال ..........................بالباسترى كريم
ثانيا :الباسترى كريم
بصراحة يا بنات دة إختراع جميل ما كسفنيش فى حاجة قبل كدة خالص ممكن نحشى بيه أى حاجة والكنافة بيه بتكون طعم تانى خالص
وباشتريه من محل مستلزمات الحلويات الكيلو ب30 جنيه
المهم تعالو شوفوا طريقة تحضيره
ودة شكله بيكون على شكل بودرة
الكوبايه منه بتاخد كوبايتين لبن ساقع أو حتى ميه ساقعة
وممكن كوبايه لبن وكوبايه ميه
يعنى المتوفر
بس أهم حاجة اللبن أو الميه نضيفها بالتدريج مش مرة واحدة ودى أهم خطوة
وبالمضرب وبأقصى سرعة نضرب
ودة بيكون شكله بعد الضرب
فردته على صينية القرع العسلى بدل البشاميل
طيب يا بنات لنفرض جدلا إنكم ماعرفتوش تحصلوا على الباسترى كريم يبقى مافيش غير إنكم تعملوا كاستر منزلى
وحطيت الزبدة مكعب واحد كفايه وكان عندى قشطة حطيتها (مافيش حاجة بتخسر)
وعالفرن على طول حوالى نصف ساعة كدة لحد أما ابتدت تتحمر من الحواف
وبعدين تحت الشوايه خدت وش
ودة شكلها وااااااااااااااااااااااااااااااااااااااااااو
ودة شكلها عن قريب زوووووووووووووووم
أما طعمها فليكم إنكم تتصوروه أو تجربوه بنفسكم ويا سلام بقى لما تسقع وتتاكل باردة بتكون أجمل وأطعم
أولا جهزت المكونات:
قرع عسلى
سكر
مكسرات -زبيب -جوز هند حسب الرغبة
باسترى كريم
مكعب زبدة صغير
ودخلت عالطريقة:
أولا : القرع العسلى أنا جبت نصف قرعايه غسلتها كويس ونضفتها من البذر بتعمل صينيه كبيرة مقاس 40 وممكن يتبقى منها جزء صغير حاقولكم حنعمل بيه إيه بعدين بس تابعونى
القرعايه كلها على بعضها 4 كيلو يعنى النصف حوالى 2 كيلو
وكيلو القرع بياخد ربع كيلو سكر(ودى معلومة خدتها من الأخت فتوكة مصريه 37 ربنا يجازيها عنا كل الخير ويريح بالها ويطمنها دايما على إبنها آمين يا رب)
يعنى كدة محتاجين نصف كيلو سكر
حطيت نصفهم على القرعاية بالشكل دة
وغطيتها بالفويل
وكنت محميه الفرن على 240 لمدة نصف ساعة
وحطيتها فى الفرن وسيبتها مع نفسها حوالى ساعة وطلعتها من الفرن دة شكلها
شايفين مهريه إزاى والسايل بتاعها مركز إزاى وعلى فكرة يا بنات
ممكن قوى تطلع من الفرن و ماتكونش كلها مهرية بنفس الدرجة فعندى إقتراحين حسب الرغبه
لإما ترجعوها الفرن تانى عشان تتهرى كلها بنفس الدرجة
أو تقطعوا الجزء المستوى بس مش مهرى و لسة ماسك نفسه مكعبات بحيث اللى بياكل يحس بيها زى قطع من الفاكهة ودة بيدى مذاق مختلف وطعم أجمل
بعد كدة طلعت القرعاية من قشرتها
وحطيتها فى الحلة بالسايل بتاعها مانفرطش فيه لإن دة بهريزها الجميل
وضفت بقيه السكر (بقيه النصف كيلو) حيدوب بسرعة وقلبت كله فى بعضه
وضفت المكسرات والزبيب وجوز الهند
وفردتها فى الصينيه بعد ما دهنتها بالسمن وحطيت طبقة بقسماط مطحون فى القاع بس فى حاله إن السايل كتير بصورة واضحة ممكن نصفيه ونضيفه على أى عصير موجود فى المنزل زى عصير قمر الدين أو المانجو
بس دة ماحصلش معايا
بس السمك يكون وسط مش طخين ولا رفيع
ولو اتبقى منك حاجة حطيها فى علبه فى الفريزر وتابعونى فى موضوعى القادم
وغطيتها بال ..........................بالباسترى كريم
ثانيا :الباسترى كريم
بصراحة يا بنات دة إختراع جميل ما كسفنيش فى حاجة قبل كدة خالص ممكن نحشى بيه أى حاجة والكنافة بيه بتكون طعم تانى خالص
وباشتريه من محل مستلزمات الحلويات الكيلو ب30 جنيه
المهم تعالو شوفوا طريقة تحضيره
ودة شكله بيكون على شكل بودرة
الكوبايه منه بتاخد كوبايتين لبن ساقع أو حتى ميه ساقعة
وممكن كوبايه لبن وكوبايه ميه
يعنى المتوفر
بس أهم حاجة اللبن أو الميه نضيفها بالتدريج مش مرة واحدة ودى أهم خطوة
وبالمضرب وبأقصى سرعة نضرب
ودة بيكون شكله بعد الضرب
فردته على صينية القرع العسلى بدل البشاميل
طيب يا بنات لنفرض جدلا إنكم ماعرفتوش تحصلوا على الباسترى كريم يبقى مافيش غير إنكم تعملوا كاستر منزلى
وحطيت الزبدة مكعب واحد كفايه وكان عندى قشطة حطيتها (مافيش حاجة بتخسر)
وعالفرن على طول حوالى نصف ساعة كدة لحد أما ابتدت تتحمر من الحواف
وبعدين تحت الشوايه خدت وش
ودة شكلها وااااااااااااااااااااااااااااااااااااااااااو
ودة شكلها عن قريب زوووووووووووووووم
أما طعمها فليكم إنكم تتصوروه أو تجربوه بنفسكم ويا سلام بقى لما تسقع وتتاكل باردة بتكون أجمل وأطعم
0 التعليقات:
إرسال تعليق