البريوش المسكر زي الدنش

البريوش المسكر زي الدنش


المقادير



2.5 كوب دقيق مخبوزات (300جرام تقريبا)
نص كوب حليب دافئ حسب العجينه ما تاخد معانا ممكن اقل
نص كوب زبده سايحه دافئه
ربع كوب سكر
(انا استعملت 2ملعقه كبيره لرغبتى بس المقدار ربع كوب)
2بيضه
15جرام خميره طازجه (وممكن اقل) او 5جرام خميره جافه
ربع ملعقه صغيره ملح
فانيليا او اى منكهات تحبيها ممكن بشر برتقال او ليمون
او من غير خالص
انا استعملت ربع ملعقه صغيره فانيليا
الكوب كوب المعيار


الطريقه

*نجهز الخميره زى ما قلنا فى الطريقه الاولى

*نخلط السوائل كلها مع بعض ( بس ما نضيفش اللبن كله الا لما نشوف العجينه )ونعمل حفره فى الدقيق
والملح ونحطها ونعجن لمده 3او 4دقايق
*نغطيها ونسيبها تخمر.



** ننزل جوانب العجينه ونقسمها حسب التشكيل
اولادى بيحبوها زى اشكال الدنش كده بالشكل ده

**شكل الفريره

نفرد العجينه مستطيل ونقطعه مربعات ونقص اطراف المربع
ونثنى طرف للوسط ونضغطه ونسيب طرف ونطوى اللى بعده
او نقطعه مستطيل صغير ونفتح فتحه فى المنتصف
وندخل طرف المستطيل داخل الفتحه ونفرده.

زى الصوره



*نرص البريوش على صاج مدهون زيت ونسيبها تختمر تانى.
*ندهنها بالبيض ونرش سكر حسب الرغبه
*نخبزها فى فرن متوسط هى مش ها تاخد وقت كتير لان سمكها صغير

وده لما خرج من الفرن ودهنته بالعسل
وزينت جزء منه بالشيكولاته السايحه وقشور جوز الهند