تارت عين الجمل ت

تارت عين الجمل (او البقان)




البقان احد المكسرات التى تشبه عين الجمل (الجوز) شكلا و طعما و طبعا ممكن استبدالها بعين الجمل و البقان مكسرات امريكية المنشأ


الكرست او العجينة

1 1/2 كوب دقيق
1/4 كوب سكر
صفار بيضة
رشة ملح
1/2 كوب زبدة فى درجة حرارة الغرفة

الحشوة

2/3 كوب عسل نحل
1/3 كوب سكر بنى
1/4 كوب كريمة خفق
3 معالق مائدة زبدة
2 كوب عين جمل محمص و مقطع قطع كبيرة



عمل الكرست او العجينة

سخنى الفرن و ادهنى قالب التارت بتاعك

اخفقى السكر مع صفار البيضة و الزبدة ثم اضيفى الدقيق

جمعى العجينة و افرديها فى القالب مع عمل الإرتفاع بحواف العجينة

افردى ورقة زبدة فى القالب و حطى فيها شوية فول او لوبيا عشان يمنعوا العجينة تنتفخ و انتى بتخبزى (ولا يؤكل اى من هذه الحبوب و لكن ممكن الإحتفاظ بها لعملية خبز اخرى)


اخبزى لمدة 20 دقيقة و طلعيها مع الإحتفاط بالفرن سخن

عمل الحشوة

فى اناء سخنى العسل و الكريمة و الزبدة و خليهم يسيحوا و يمتزجوا من غير ما يغلوا

اضيفى المكسرات و قلبى و صبى الحشوة فى القالب

تخبز لمدة 15 دقيقة

تبرد ساعتين قبل التقطيع