البرك التركي مخبوزة في الفرن باشكال وانواع حشوات مختلفه

البرك التركي مخبوزة في الفرن


المقادير

4 كوب دقيق +1 كوب لبن دافئ +1/2 كوب زيت +1 معلقة كبيرة خميرة +3 معالق سكر كبيرة

1 معلقة مسح صغيرة ملح +1 بيضة كاملة +1 بياض بيضة ونحتفظ بالصفار لدهان الوجه

سمسم +حبة البركة


الطريقة

ندوب الخميرة مع السكر واللبن ثم نضيف عليهم الزيت

ونضع الدقيق في وعاء وعليه البيضة وبياض البيضة والملح

ونعجنهم بخليط اللبن من 5 ل 10 دقايق وده شكلها



ثم نتركها في فرن دافئ ونغطيها بكيس بلاستيك

حتي يتضاعف حجمها كده


بالنسبة لاشهر حشوة تركية هي الجبنة الفيتا بالبقدونس

واللحم المقدد وانا استبدلته بالبسطرمة او السلامي مع فلفل رومي وزيتون



اول شئ نقطع العجينة قطع حجم البيضة ونفردها دايرة
ونحشيها كما بالصورة



ونقفلها من تحت كده



وبالسكين نعمل تشريحات خفيفة كده من فوق



او كده وديه حشيتها بسطرمة


او نشكلها بيضاوي ونفتحها بالسكين كده



او شكل شنطة صغيرة نقفلها من فوق بالايد كده بعد حشوها



اما الشكل ده فردت العجينة بيضاوي ونقطعها بالسكين كده



ونحشيها ونلفها كده



والاخر نلفها دائرة ونقفلها من تحت بصوا كده



او نقفل الدائرة شكل القطايف ونقفلها بشوكة






ديه قفلتها مستطيل وفتحتها بالسكين





اما شكل الوردة او وردة فاطمة
اول شئ نفرد العجينة دائرة



ونقطعها بالسكين كده



ونحشيها الجبنة



ونكمل تقفيلها وندهن الجوانب ماء عشان تلزق




طريقة التسوية

اول شئ بعد ما نشكلها ندهنها بصفار بيض ونرش علي الوش سمسم او حبة البركة

ونتركها ترتفع تاني ساعة كاملة او حتي يتضاعف الحجم وبعدها نسخن الفرن

علي 190 ونسويها علي الرف العلوي من 10 ل15 دقيقة او حتي تصبح ذهبية اللون





وده شكلها بعد ما استوت



مع واحد شاي تركي اصيل