سويسرول الايس كريم بدون لف المحشي بآيس كريم كيك الهوهوز

سويسرول الايس كريم بدون لف المحشي بآيس كريم كيك الهوهوز








بسم الله مقادير السويسرول
كوب دقيق منخول مع نصف معلقة صغيرة بكينج بودر
3 بيضات كبيرة - 6 ملاعق كبيرة زيت
1/2 كوب سكر -معلقتين كبااار مية
فانيلا - ربع معلقة صغيرة ملح

الطريقة السهلة ان شاء الله




نخفق البيض مع السكر والملح والفانيلا
لحد ماينفش لمدة 5 دقايق
وبعدها نحط الزيت ونخفق عشان يتقلب بسسوبعدين نحط الدقيق على مرتين ونخفق وآخر حاجة المية
وبكده خلص الكيك الحمد لله



نجيب الصينية دي
ونقص على مقاسها ورقة زبدة مستطيلة



وندهنها معلقة كبيرة زيت بسسس ونوزعها بالفرشاة




ونصب الكيك في الصينية
طريقة التسوية
ندخله فرن ساخن على حرارة
هادية 160 الى 170 على الرف الاوسط
النار تكون شغالة من تحت بسسس
لمدة ربع ساعة لما نلاقي ان جوانب الكيك
فصلت من الصينية والكيك جمد بس لسة طري وملزق
من فوق
نطفي تحت ونشغل نار الشواية بس عشان الكيك يجمد مش يتحمر زي الكيك العادي وهيفضل كيك السويسرول ابيض
بس مستوي بفضل الله
يعني ممكن ياخد تحت الشواية دقيقة واحدة عشان يجمد السويسرول ونغرس سكينة في الكيك نلاقيها خرجت نضيفة يبقى السويسرول استوى بس لونه ابيض ان شاء الله



وده شكل الكيك لما طلعناه الحمد لله مستوي بس ابيض
على لوح تقطيع عندنا او رخامة
نفرش ورقة زبدة مستطيلة زي كده



ونقلب الكيك على لوح التقطيع اللي عليه ورقة الزبدة



ونقشر ورقة الزبدة اللازقة في الكيك برفق زي كده





ونقطع جوانب وحروف الكيك الناشفة زي كده بس مش نقطع كتيييير الجوانب بسسس
وطبعا هتكون من نصيبنا وهيا سخنة ولذييييذة كده نسمي الله ونتسلى بيها




ونشيل الكيك بورقة الزبدة اللي تحتيه ونسمي الله ونحطه في صنية التوست
وننزل الكيك لتحت عشان ياخد الشكل نص الدايرة زي الصورة
ومش هيتقطع ابدااا ان شاء الله



وماتقطعش بفضل الله




وطبعا لو مش عندنا صينية التوست تيفال
ممكن نستخدم الصواني التوست الفويل بتتباع عند المحلات اللي بتبيع الاطباق البلاستيك
وبشكر الغالية ام مريومة ومعاذ لاني استعرت منها الصورة من موضوعاتها الرااائعة


ودلوقتي نعمل الايس كريم اللي هنحشي بيه السويسرول
ايس كريم الشوكولاتة بكيك الهوهوز
بسم الله المقادير
15 معلقة كبيرة كريم شانتيه سااايب او 3 مغلفات كريمة دريم ويب
نخفقه مع كوبين مية متلجة او حليب و4 ملاعق سكر للتحلية او اقل حسب ذوقنا
معلقتين كبااار جلوكوز او عسل نحل - 4 وحدات كيك هوهوز
3 ملاعق كبيرة قشطة من وش الحليب او معلبة - 3 ملاعق كبيرة كاكاو

الطريقة




نخفق الكريم شانتيه مع كوبين المية المتلجة و3 ملاعق سكر حسب ذوقنا
وبعدين نحط الجلوكوز او عسل النحل زي كده ونخفق عشان يختلط


وبعدين القشطة اللذييييييذة والكاكاو ونخفق









واخر حاجة نطحن الاربع وحدات كيك هوهوز في الفود برروسيسر الصغنن
او اي مطحنة عندنا عشان يبقى بودرة




ونحط بودرة الهوهوز على الكريم شانتيه بالكاكاو ونخفق عشان يتقلب اقل من دقيقة




ونحط شوية ايس كريم الهوهوز في قاعدة السويسرول زي كده ونساويها كويس
واختياري لو حبيناااا نحط شراااايح هوهوز في الوسط زي طابور عشان يبقى باين لما نقطعها بامر الله
انه ايس كريم بالهوهوز



ونحط بقية الايس كريم البااقي عشان نغطي الهوهوز ويتملى السويسرول كله ان شاء الله
ولو فاااض شوية ايس كريم نحطهم في الفريزر ونقدمهم بولات ايس كريم في اطباااق
وندخلها سويسرول الايس كريم الفريزر لمدة 6 الى 7 ساعات او ليلة كاملة
ونطلعه نقدمه ان شاء الله



وطريقة تزيينه سهلة اووووي وطبعا حسب ذوقنا
ومش مكلفة ان شاء الله لان احيانا بنفكر بافكار للتزيين بدون كريمات وزيادة مكونات
نقص شريط مستطيل بلاستيك من اي ملف شفاف عندنا يكن مغسول وناشف
نقلب سويسرول الايس كريم على صينية وندهنه بسيط بالمعلقة بمعلقة كريم شانتيه
او ايس كريم من اللي باااااااقي



ونبدأ في التزيين بطريقة المستطيلات
نحط المستطيل البلاستيك على الكريمة عشان يبقى المستطيلات مضبوطة
ونلزق جوز هند عالكريمة
في المكان اللي جنب المستطيل البلاستيك ولما نخلص مستطيل جوز الهند نشيل المستطيل البلاستيك
وننقله على المكان اللي بعديه ونلزق بسكوت مفروم بالشوكولاتة او فورماسيل بالشوكولاتة
على المستطيل اللي جنب جوز الهند
يعني مرة مستطيل جوز هند مبشور ومرة مستطيل بسكوت مفروم او فورماسيل بالشوكولاتة
وطبعا فايدة اننا نلزق الشريط البلاستيك على الكريمة
ان شكل شرايط جوز الهند او الفورماسيل يكون متساوي بالضبطط
مش يطلع مستطيل معوووج ومستطيل مضبوط ان شاء الله



وده لما خلص تزيين السويسرول بفضل الله في 5 دقايق
ولما نخلص التزيين ندخل السويسرول تااااني الفريزر لمدة نص ساعة بسس عشان يمسك

وبسم الله نبدأ في صور التقديم






اول صورة بفضل الله





وممكن عشان نكسر اللون نحط توت جيلي وبالف هنا