مصاصات الكوكيز الملونه للاطفال واعياد الميلاد وصفه مميزه بالصور

مصاصات الكوكيز الملونه للاطفال واعياد الميلاد وصفه مميزه بالصور
وصفة الكوكيز دى بجد رائعة لانها مش بتكش ولا تقوس فى الفرن كمان مش بتنفش و تبوظ شكل الكوكيز . انا كمان ان شاء الله حاعمل لكم

اشكال كتيرة بوصفة الكوكيز دى .

للكوكيز

90 جم [ 1/3 كوب ] زيدة

100 جم [ 1/2 كوب ] سكر بودر

1 بيضة

200 جم [ 1 1/2 كوب ] دقيق

فانيلا

1/2 معلقة صغيرة بيكنج بودر

1/8 معلقة صغيرة ملح

للايسنج

150 جم [11/4 كوب ]سكر بودر

2 معلقة كبيرة ميه

فانيلا




فى مضرب نضرب الزبدة مع السكر لحد ما تنفش و نضيف الفانيلا و بعدين نضيف البيضة و نكمل ضرب






و نضيف الدقيق المنخول مع البيكنج بودر و الملح معلقة معلقة و نضرب لحد ما تلم بس






و بعدين نلم العجينة باليد , مجرد لم مش عجن و نلفها فى كيس و ندخلها التلاجة 1/2 ساعة





و بعد النص ساعة نخرجها و نفردها على دقيق بسيط و نقطعها بقطاعات اشكال و تكون سميكة شويه و نرصها فى صاج فرن على ورق زبدة

مدهون خفيف زيت و ندخل فى كل كوكيزاية عصاية الشيش طاووق زى المصاصة و تدخل فرن وسط لمدة 10 دقايق و ممكن نحمر وشها

بالشواية و ممكن لا لانى حاغطى وشها بالايسنج .





و ده شكلهم لما خرجوا من الفرن . و نسيبهم يبردوا و نعمل الايسنج





نبتدى نحط السكر فى سلطانية و نضيف الميه شوية شوية و نقلب لحد ما نوصل للقوام السميك شوية علشان مش ينزل من على الكوكيز

ممكن مش نحتاج كل الميه و ممكن نحتاج نزود سكر , و نقسم الايسنج و نلونه و نحطه فى اكياس و نخرم حرفه خرمة ضغيرة قوى و نبتدى

نرسم بيه و فنى بقى على اد ما ربنا يفتح عليكى على الكوكيز و نسيبها لما تنشف .











و نبتدى نرصهم واقفين على قطعة فلين او فى كاس كبير .