فطاير الجبنه بقوالب الكب كيك بالحشوه الخطيره

فطاير الجبنه بقوالب الكب كيك شكلها شيك وتنفع لو عيد ميلاد هتكون حلوه اووي
دي شكلها

المقادير

3كوب دقيق ( انا بستخدم المج) 

2 معلقه كبيره خميره فوريه


معلقه كبيره بيكنج بودر 

معلقه صغيره ملح 
ربع المج زيت 

2معلقه كبيره سكر 

ماء دافي للعجن 

3 معالق كبيره حليب بودره

الطريقه : 

الخميره والسكر وشويه مايه دافيه ونسيبها تخمر ونلاقي طلعت فقاعات زي كده وده مهم يافتوكات عشان تتأكدي من صلاحيه الخميره ..
نعجن باقي المقادير مع بعض لمده مش اقل من عشر دقايق عشان يدخلها الهوا وتتكون معايا عجينه متماسكه وطريه 

نسيبها تخمر وتتضاعف معايا في الحجم 



نفرد عجينه صغيره بالشكل ده



ونفردها في قوال الكب كيك كده


نشوف الحشوه بتاعتي لذييييذه بموت فيها بس عيبها الوحيد انها دسمه شويه
عباره عن علبه قشطه ـــ 5 معالق جبنه سايله ــ معلقه كبيره مايونيز


نضيفهم مع بعض ونقلبهم


دي شكلها الاخير خلاص كده جاهزه معايا



نملي بيها الفطاير بتاعتي ومش تمليها للأخر لاحظي العجينه هتزيد فعشان كده ممكن الجبنه تتطلع بره فياريت مش تمليها للأخر



انا رشيت زيتون وممكن تحطي فلفل اخضر او سوسيس اللي تحبيه


ندهنا بالبيض وعلي الفرن تحت حراراه 180 درجه
هنا بعد التسويه