الكرواسون ووالله كانه ملتو بالظبط بالصور والتفاصيل

 الكرواسون ووالله كانه ملتو بالظبط

المقادير:
525 جم دقيق ( 2 كوب وتلات ارباع كوب )
كيس لبن بودرة
معلقه سكر
5 جم محسن خبز
ذرة ملح
معلقه كبيرة خميرة فوريه او قطعه خميرة طازة و معلقه سكر و 50 ملل ماء دافي
بيضه
50 ملل لبن
ربع كيلو زبده بلوك شكل مربع

الطريقه:
اول حاجه الخميرة والسكر و المايه نقلبهم ونسبهم ربع ساعه
نضيف باقي المكونات ونعجن لحد لما متلزقش في الطبق ونسيبها تتخمر ساعه وبعدين نفردها ونحط في نصها الزبده ونقفل عليها





و نقلبها و نضعط على العجينه براحه حبه حبه لحد لما تتفرد ونطبق ونفرد اهم حاجه التانيه تعمل علامه + مع النشابه الصور هاتبين انا قصدي ايه





نفرد ونتني 3 مرات ونريح العجينه ساعه في التلاجه
وكمان 3 مرات ونريحها وكمان 3 ونريحها ونسيبها في التلاجه وتستعمل تاني يوم واثناء الفرد لو حسيتي ان الزبده خرجت من العجينه ريحها في التلاجه ويسلام لو تمرري زجاجه ماء مثلج على الرخامه قبل الشغل
هاناخد جزء من العجينه ونعمله لانها كبيرة و نشكلها دايرة و نبتدي الشغل اللي بجد اسيبكوا مع الصور شرحا نفسها




2 منها من اللي بالبندق




ندهنها بيض وفانليا ومعلقه سكر ورشه ملح
وتتخمر ساعه او اتنين
وندخلها فرن سخن 190 تقريبا
مده 20 دقيقه كل واحده عارفه فرنها


شايفين الهشاشه