السينابون بشكل جديد

السينابون  بشكل جديد

شايفين هش ازاي من جوه


يلا نشوف المقادير
2 كوب دقيق
معلقه كبيره خميره فوريه
4 معالق كبيره سكر
معلقه صغيره بيكنج بودر
ربع كوب زيت
2 معلقه كبيره حليب بورده
مايه ( اقل من كوبايه بشويه ) ــ رشه ملح
الطريقه

السكر مع الخميره وشويه مايه دافيه لحد ما يخمروا مع بعض
ونضيفها لباقي المقادير ونعجن لحد ما تتكون عجينه ناعمه ومتماسكه بالشكل ده


ونسيبها تخمر وتتضاعف معايا بالشكل ده


انا عملت شكلين من السينابون
اول شكل
كور القرفه
نبتدي نشكل كور صغيره من العجين

وهنحتاج التغطيه بتاعتها
زبده ــ معلقه كبيره قرفه وربع كوبايه سكر ومعلقه كبيره نشا


نبتدي نحطها الاول في الزبده وبعدين القرفه

ونرصها في الصينيه بتاعتي
انا استخدمت قالب الكب كيك مش موجوده ممكن تستخدمي صينيه عاديه وتعملي علي شكل خليه نحل تكون برضه حلوه اووي


وندخلها الفرن علي حراره 180 لحد ما تستوي معايا
انا رصيتها في طبق التقديم

ونبتدي نجهز الصوص
1ـ الصوص الابيض ( 6 قطع جبنه كيري ـ نص علبه حليب مكثف ) ونضربهم مع بعض كويس في الخلاط


ونبتدي نرشها علي الوش ( انا مش بحب احط صوص كتير يابنات اولا لان العجينه نفسها طعمها حلو وجميل وهي فيها اصلا في الحشوه سكر فعشان كده مايكنش طعهما حلو زايد )
2ــ صوص الشكولاته
وده الشكل النهائي ليها


ممكن كملن ترشي مكسرات علي الوش زي ما تحبي