اجمد وصفه كشري مصري بالصور

اجمد وصفه كشري مصري بالصور

أولا المقادير :

1 كوب حمص منقوع ليلة سابقة
1 كوب عدس بجبة منقول قبل السلق بساعة تقريبا
1 كوب شعرية
1.5 كوب مكرونة صغيرة
نصف كيس(ربع كيلو) مكرونة اسباكيتي
ثلاث حبات بصل متوسطة الحجم مقطعة شرائع او مفرومة فرم خشن

مقادير الصلصة :
2 كوب صلصة طماطم حمراء
فصين ثوم مفرومين ناعم
ملعقتين كبيرة زيت
كمون
فلفل اسمر
ورقتين لوري
ملح
شطة (حسب الرغبة)
واضافتي الخاصة (قرنفل) بيخلي الصلصة تحفففة مووووووووت بجد بتجنني بحط حوالي 5 فصوص قرنفل


مقادير الدقة بالخل :
ملعقتين ثلاثة زيت لتحمير الثوم
ملعقة ثوم مفروم .. يعني تقريبا 5 فصوص ثوم كبار مفرومين ناعم
1/2 كوب خل
كوب ماء لتخفيف الخل او اقل لو بتحبو الخل لاسع حبة
1/2 ملعقة كمون
1/2 ملعقة ملح
1/2 ملعقة كزبرة ناشفة ناعمة


مقادير دقة الشطة الحااااارة مووووووووووت :
2 او 3 ملعقة شطة ناعمة حرررررراااااقة
2 ملعقة من الصلصة اللي عملناها وخلصناها بعد ماتستوي
2 ملعقة من الدقة تبع الخل


دا العدس بجبة بعد ما اتنقع واتسلق وجهز وجمبة البصل المتحمر الجميل بتاعي


وهنا المكرونة الصغيرة والاسباكيتي على بعض في حلة سلق واحدة بعد ما اتسلقوا في ماية مغلية فيها ملعقة ملح وملعقة زيت
(معلومة انا سلقت المكرونة في مقدار صغير ماية عشان ماصفيهاش يتبقى فيها ماية وزيت بسيط كدا عشان متكونش ملزقة)


وهنا الرز بعد ما حمرت الشعرية وغسلته وحطيتهم على بعض وسبته يستوي وملحته بملح وفلفل اسمر بسيط


هنبدأ نعمل الصلصة بئا
نفرم فصين الثوم ونحطهم لحد مايبئا لونهم كدا ماتغمقيش يادوووب يتصفر وريحته الحلوة تطلع


واضفت الصلصة اللي ضربتها في الخلاط وحطيت التوابل ملح وفلفل اسمر وشطة وكمون وورق لوري والقرنفل حبيبي طبعا

هنا بئا الرز كان استوى خلاص وعايز بس يتردد خمس دقايق
والعدس بجبة كان مسلوق
بس دي التكة عشان تعطي الرز نكهة جميلة من العدس
حطي العدس مفرود فوق الرز عشان يتردد معاه
(نسيت اقولكم اني حطيت كمون في سلق العدس بيخلي نكهتو وااااااااااااو)


هنا الصلصة بعد ماسبناها تاخد غلوة بس كدا على الناار عشان تستوي في بعضها
بس متسبكوهاش اوي عشان تبئا طعمها حلوو



هنبدأ هنا نعمل دقة الخل
ملعقة الثوم المفروم ناعم حطيناها في الزيت لحد ما اصفرت بس بردو منغمقهااش


وبعدين نرفعها من ع النار ونضيف التوابل (كمون وملح وكزبرة ناشفة) ونقلب


وبعدين نضيف الخل وبعده الماية ونقلب
ودوقيها يافتوكة عشان تعرفي الطعم اللي يناسبك

كدا احنا خلصنا الكشري هنغرف بئا عشان نلتهم الاكل
قصدي ناكل ناكل ههههههههههههه


زووووووووووووووووووووووووووووووووووووووووووووم