البيتيفورا كوب زبده لينه
ا كوب سمنه
اكوب وربع سكر بودره
2 بيضه
4 اكواب دقيق
فانيليا
معلقه صغيره بكينج باودر
الطريقه :
توضع الذبده مع السمنه في وعاء ونضربهم كويس ثم نضع السكر البودره ونكمل خلط لحد ميندمجو كويس
ثم نضع البيضتين مع الفانيليا ونكمل خلط
ثم نضع الدقيق مع البيكنج باودر ويكون منخول ونحط شويه شويه ونضرب بالمضرب
لحد ما يتقل ونكمل عجن بايدينا لحد مالعجينه تلم معانا لو احتاجت دقيق تاني حطي
بس ميكونش ازيد من ربع كوب كمان
التزيين :
انا هنا قسمت العجينه لثلاثه اجزاء
جزءحطيت فيه 2 ملعقه كبيره كاكاو خام مر علشان يديكي نكهه الشيكولاته ويبقي لونه غامق وشكلو حلو
وجزء عملتو في الصواني وحطيت في الخرز الفضي قبل مايدخل الفرن وبيبقي جميل اوي
وجز عملتو كده علشان ازينو بالشيكولاته
وبعد كده هتخبزيه علي حراره هاديه وبياخد لون من تحت دهبي ويبقي من فوق فاتح
ولو انتي لوحدك ومفيش حد بيساعدك ممكن تقطعيه العجينه كلها بالمكنه في الصواني كلها وبعين اخبزيه براحتك
ولما يبرد خالص الزقيه بالمربي كله بس كل جزء حطيه لوحده يعني الي بلشيكولاته لوحده والي بلخرز لوحده والساده لوحده
وزينيه زي ما انتي عايزه يعني ممكن تمسكي واحده من النص ودواري اطرافها في المربي وبعدين في جوز الهند او الفارماسيل
وشويه اعمليه في شيكولاته سايحه جزء في شيكولاته بيضه وشويه سوداء وممكن تعملي خطوط بمعلقه صغيره
يعني غطسيها في الشيكولاته هيطلع منها خيط رفيع مشيه علي البيتيفور رايح جاي مع عكس الالوان
0 التعليقات:
إرسال تعليق