المقادير
2 ك سمك بلطى
عشر فصوص توم كبار
ملح وكمون وليمون وشطة حمرا وكسبرة خضرا
الطريقة
اولا دة شكل السمك قبل التنظيف
ودة شكله بعد التنظيف
بعد كدة انا غسلته بالمية والملح والدقيق
وشطفته كويس ورشيته برشه ملح ودخلته التلاجة عشان الجو كان حر او لحد ما ييجى وقت التحمير
ولما جه وقت التحمير كنت محضرة التوم والملح والكمون والشطة
ودة شكلهم فى الصلاية ( الهون )
وبعد ما دقيتهم حطيت الكسبرة الخضرا ودة شكلها
ودة شكلهم بعد ما دقيتهم كويس ناعم يعنى
وبعد كده جيبت السمك اللى انا كنت حطاه فى التلاجة وشطفته عشان كان عليه ملح وحشيت السمكة كدة
وحطيت السمكة فى الدقيق
وبعد كدة حضرت طاسة التحمير
وحطيت الزيت وسخنته ونزلت بالسمك اللى حشيته
زى هنا كدة
وهديت النار شوية يعنى تكون حرارة متوسطة
ودة شكلها بعد ماحمرت اول وش
ولما خلصت السمك كنت محضرة الارز الصيادية ( بالبصل والطماطم )
والطحينة عملتها من غير ليمون تخيلو اه والله
بدل الليمون حطيت خل وكانت احلى واطعم بكتيييير وعجبتهم الافتكاسة دى
وجربوها كمان
وحطيت مخلل اليمون المعصفر
وبابا غنوج كمان والسلطة الخضرا منسيتهاش وحطيت عليها بصل
عشان ما احنا عارفين ان السمك بيحب البصل
ودة شكل الغدا
متنسييييش 
0 التعليقات:
إرسال تعليق