كوكيز البطيخ للاطفال يارب تعجبكم

كوكيز البطيخ للاطفال يارب تعجبكم



مقادير الكوكيز

3/4 كوب زبدة

3/4 كوب سكر

1 بيضة /فانيلا / رشة ملح / 1/4 معلقة صغيرة بيكنج بودر

2 كوب دقيق

حبوب الشيكولاتة [تشوكلت شيبس ] / الوان طعام اخضر و احمر



بنضرب الزبدة و السكر مع بعض لحد ما يبقى هشة و بضيف البيضة و الفانيلا و نضرب




نضيف الملح و البيكنج بودر للدقيق و نخلط و نضيفهم لخليط الزبدة و نضرب براحة لحد ما تتلم العجينة بس [ مش نزود فى العجن ]

و نقسم العجينة ل 3 اقسام الاكبر نلونه احمر و الوسط نلونه اخضر و الاصغر نسيبه ابيض و نلفهم بكيس نيلون و ندخلهم التلاجة نص ساعة



نجيب اللون الاحمر و نشكله على شكل اسطوانة و ندخلها شوية التلاجة ربع ساعة
و بعدين نفرد العجينة البيضاء و نلف فيها الاسطوانة الحمراء كويس و مش نسيب حتة من غير ما نغطيها بالعجينة البيضاء



و نلفها بكيس نايلون و ندخلها التلاجة تانى ربع ساعة

نفرد العجينة الخضراء و نلف فيها الاسطوانة الحمرا و بيضا و نغلفها كويس باللون الاخضر و نلفها بكيس نايلون و نسيبها فى التلاجة ساعة [ ممكن نعملها قبل يوم الحفلة و نسيبها طول الليل فى التلاجة و نخرطها و نخبزها تانى يوم ]




نخرجها من التلاجة و نقطعها شرايح حوالى 1/2 سم




و نقسم كل دايرة بالنص علشان نعمل شكل شقة البطيخ





و نرصها فى صاج فرن مفروش ورقة زبدة و نغرز فيهم حبوب الشيكولاتة علشان نعمل شكل بذر البطيخ




و ندخلهم التلاجة حوالى ربع ساعة و نعدين ندخلهم فرن وسط و نسيبهم حوالى ربع ساعة او لحد ما يبقى متماسك و مش غامق من تحت و نسيبه يبرد




و نبتدى نرصة و نقدمه كده

و ممكن تقدميه مع صوص شيكولاتة كده






او صوص فراولة كده