هو ينفع تعملي طحينه من غير طحينه ؟ايوه ينفع ادخلي وشوفي
هتجيبي رغيف عيش بلدي من ابو شلن او ابو ربع او اي نوع اي رغيف عيش
وتقطعيه وتنقعيه في ميه لمده ساعه
وتنشليه من الميه وعالكبه مع فصين توم ونصف قرن فلفل اخضر حراق لو بتحبي حراق ولو مش بتحبي يبقي عادي ونص لمونه ومعلقه خل وملح حسب الرغبه وحبه كمون وحبه شطه حمرا لو تحبي وحبه زيت
وتضربيهم في الكبة وممكن الخلاط علي فكره ولو ملفتش زودي زيت او ميه لحد ما تلف
هتطلع زي الصوره دي
نفس طعم سلطه الطحينه اللي في محلات الكباب والكفته
نفس طعم سلطه الطحينه بره بجددددد والله عظيم
هما اصلا بيعملوها كده عشان يكسبوا
البنت اللي بحكي عليا عرفت السر وجات قالتهولنا وانا طبقته
والرغيف ده عملي الطبق الكبيييييييييير ده
يكفي عزومة
انا لسه هغرفه وازوقه عالعشا النهارده ان شاء الله
انا مكنتش مصدقه الاول بس قولت اجرب مش هخسر حاجه ده رغيف عيش
بجد الطريقه دي هتوفر لنا كتير
كتير فيه ناس نفسيها تعمل اطباق جانبيه والفلوس عالاد والطحينه غاليه اصلا
وهتنفعنا اوي في العزومات الواحد بيبقي عاوز كيلو طحينه عشان يكفي البشر دي
يالا جربوا وعلي ضمانتي وانا متأكده انها هتعجبكم
0 التعليقات:
إرسال تعليق