البراونيز الرخامية بالجبنة

البراونيز الرخامية بالجبنة

وبسم الله نبدأ بالشوكولاتة طبعا
بسم الله المقادير
طبقة الجبنة
كوب جبنة - 6 ملاعق كبيرة سكر - بيضة كبيرة -
فانيلا وربع معلقة صغيرة ملح
البراونيز
كوب دقيق منخول مع نص كوب كاكاو ومعلقة صغيرة بكينج بودر
كوب سكر - بيضتين كبااااار - نص كوب حليب
ربع كوب شوكولاتة شيبسي يعني 4 ملاعق كبيرة شوكولاتة مقطعة صغيرة
- 3 ملاعق كبيرة زبدة - ربع كوب زيت
الطريقة السهلة اوووي بسم الله



نسمي الله ونعمل خلطة الجبنة الاول في بولة نحط الجبنة الكريمة والسكر والبيضة
والفانيل والملح ونخفقهم دقيقتين كده



وده شكلهم بعد الخفق بس اندمجوا بفضل الله ونسيبهم على جنب




في طبق صغنون نحط الزبدة والزيت والشوكولاتة زي كده ونسيحهم على نار هادية




وفي بولة كبيرة نحط بقى باقي المكونات الدقيق المنخول مع البكينج بودر
والكاكاو والبيض والسكر والحليب
زي كده ونقلبهم بمضرب سلك يدوي زي كده ونقلب لمدة دقيقتين مش اكتر


وبعدين نحط الشوكولاتة السايحة مع الزبدة والزيت عليهم وبرده نقلب




وده شكل البراونيز بلونها الرااائع كله مشكلت خلصناه
ودلوقتي نشيل منه نص كوباية على جنب ثواني زي كده




ونجيب الصينية دي المستطيلة مدهونة مقاس 30 * 15 سنتي
وندهنها كويس اوووي



ونصب فيها مقدار البراونيز زي كده ونساويه بمعلقة زي كده



وبعدين نصب عالبراونيز طبقة الجبنة اللي عملناها
وشيلناها على جنب زي كده




ونحط من النص كوباية براونيز بالمعلقة دواير زي كده على طبقة الجبنة





وبالمعلقة نعمل خطوط رخامية زي كده
وندلخ البراونيز الرخامية بالجبنة في فرن حرارة هادية
160 الى 170 لمدة 45 دقيقة ان شاء الله
بدون مانخليها تحمر خااالص من فوووق ومش نخليها تاخد لون دهبي من فوووق
يعني نختبرها نشوف انها استوت بخلة مادام طلعت نضيفة خلاااص مش نخلي البراونيز تاخد لون دهبي
عشان هيا جمالها بان لونها يكون ابيض مع اسود كده
ونسيبها تبرد تماما بالصينية وبعدها نقطعها ونقدمها بقى بتنفع اوووي
في اي عزومة وخفيفة او اي حفلة مع التورتات سهلة اووي ان شاء الله
وطبعا بتتباع في اي كافيه غالية جدااااااااا
وياسلام برده عليها مع كوباية حليب بالليل