صوابع زينب وزينب ذات نفسها في بص وكل

صوابع زينب وزينب ذات نفسها في بص وكل

باسهل طريقة ان شاء الله
وبصراحة لما دوقتها مش كنت متوقعة
ان طعمها حلو كده
وطلع طعمها مختلف ومميز
وسبحان الله غير اي حلوى شرقية
وطبعا اول حاجة نعملها الشربات
عشان يبرد
الشربات التقيييل
كوب مية + كوبين سكر
وعصير ليمونة
اضافات اختيارية بتدي طعم راائع للشربات
4 حبات قرنفل وعود قرفة
الطريقة
نقلب الشربات في كسرولة عالنار
لحد مايذوب السكر







ولما يغلي زي كده نهدي النار خاااالص
ونعصر ليمونة ونحط القرنقل لو حابين
ونسيبه يعقد ويتقل
لمدة ربع ساعة ان شاء الله ونسيبه يبرد تماما بره
تحت مروحة مثلا بس مش نحطه في التلاجة
لانه بيبقى تقيييل اووووي
وصعب التحكم فيه
ودلوقتي خلص الشربات




وده شكل الشربات وهو بارد وتقيل

بسم الله المقادير على بركة الله
كوبين دقيق - نص كوب سميد بسبوسة
نص كوب زبدة سايحة او سمنة سايحة + 3 ملاعق كبيرة زيت
معلقة صغيرة خميرة بيرة او فورية
معلقة صغيرة سكر - معلقة كبيرة نشا
نص كوب مية + معلقة كبيرة مية للعجن
فانيلا - ربع معلقة صغيرة ملح


الطريقة بسم الله




في بولة نحط الدقيق والسميد والسكر والنشا
والفانيلا والملح
ونعمل حفرة في النص وننزل عليهم بالزبدة السايحة مع الزيت



ونقلب كده بالمعلقة





وبعدين نحط الخميرة والمية ونعجن
نلاقي العجينة تلمت من الجوانب



نحطها في بولة وندخلها الفرن مطفي

تخمر نص ساعة بسسسس
وطبعا العجينة باين فيها حبيبات السميد
الصغنونة عشان هو ده سر القرمشة




ولما تخمر نقسمها اربع اقسام زي كده
وطرية جدااا لما بتخمر وانا كنت حاسة
انها عاملة زي المخدات هههههههه



ونبرم الكورة الأولانية لعصاية ملزلزة وحلوة زي كده




وبعدين نقطعها بالسكينة مخدات
قصدي قطع مربعة وبجد انا مسكتها عاملة زي المخدة فعلا وطرية



ونجيب قطاعة مخلل الجزر دي
ونبطط عليها مربع من العجينة
ونضغط جااااامد عشان تاخد
شكل الزجزاج ده
وطبعا ممكن نعملها بنفس الطريقة
على مبشرة برده بيبقى شكلها جميييل اوووي




ونلمها بصوابعنا على بركة الله





ونبرمها بقى عشان تبقى صوابع زينب


ونحط كل الصوابع الاخوات جنب بعضهم اتنين اتنين
حبااايب جنب بعض متونسين



وطبعا هنا الفرق بين الصوابع
اللي على اليمين لما خمر بقى كبير
والصغير هيكبر لما يخمر ان شاء الله
عشان كده نحاول نصغر صوابع زنيب من البداية
عشان هتخمر وتكبر بأمر الله

ودلوقتي جه وقت القلي
واحلى حاجة في صوابع زينب
انها بتتقلي بسرعة اوووي ماشاء الله
لان الزيت بتاعها على نار متوسطة







نسخن زيت ارتفاع مناسب في طاسة يقدح على نار متوسطة

ونحط يجي 15 وحدة صابع زينب
عشان يتقلي وطبعا ده لونها في الاول
لسة بيبقى فاتح وجميييل بس لسة عايزة تتقرمش


ودي بدأت تاخد لون ذهبي اكتر

ومش نشيلها الا لما تبقى لونها دهبي محمر كده
عشان لو شيلنها من الزيت وهيا لسة فاتحة
مش هتبقى مقرمشة وهيكون السميد لسة نيء
من جوه لان السميد بياخد وقت شوية في السوى
المهم نشيلها ونحطها على مناديل مطبخ
ونقلي شوية كمااان بسرعة
وكل مانخلص طاستين قلي
نطفي النار عالزيت
ونغطس صوابع زينب اللي تقلت
في الشربااات اللذيييييذ زي كده





ونغطسها في الشربات



ونشيلها في مصفاة تحتها طبق عشان تصفي
الشربات الزيااااااادة
ونروح نكمل بقى صوابع زينب الحلووة
وبجد ماشاء الله اكبر ميزة فيها انها في ثواني
بتتقلي ولا فيها اي غلبة في القلي
مجرد مابنحطها في الزيت نلاقيها بدأت تتلون
يعني كل الكمية دي بتتقلى بس في تلت ساعة
او 25 دقيقة بفضل الله

وبسم الله ندخل على صور التقديم